Sign in with Facebook
Pakinam Mahmoud's Reviews > زوربا اليوناني
زوربا اليوناني
by
by
"ما هذا العالم؟ ما هدفه؟وما الذي تستطيع حياتنا الفانية أن تفعله لتبلغ هذا الهدف؟"
من خلال شخصية زوربا بياخدنا كازانتزاكيس في رحلة داخل النفس البشرية عشان نحاول نفكر في إجابة للسؤال دة..
زوربا هو الحرية هو التمرد هو التحرر من كل القيود بأشكالها المختلفة...
"تخلصت من الوطن، تخلصت من المال ،تخلصت من الكاهن..إني أغربل نفسي..كلما تقدم بي العمر غربلت نفسي أكتر..ماذا أقول لك؟إنني أتحرر ..إنني أصبح إنساناً.."
زوربا في رأيي هو رمز للسعادة ..للحياة من غير قلق من غير ندم من غير حتي التفكير في بكرة...
"كففت عن التفكير بما جري في الأمس.كففت عن التسائل عما سيجري غداً...ما يجري اليوم-في هذه اللحظة-هذا ما أهتم به.."
الرواية كرواية أكيد مختلفة ،منكرش إن كان في ملل شوية في بعض من الأجزاء بجانب نظرة زوربا المستفزة للمرأة وكلامه عنها بإحتقار معظم الوقت ده غير طبعاً أفكار زوربا المجنونة اللي ممكن تكون غير مقبولة للبعض...
وأخيراً أكيد بختلف مع زوربا في حاجات كتير بس دة لا يمنع إني متأكدة إن كل واحد فينا جواه حاجة من زوربا وأعتقد إن كازانتزاكيس كان عاوز يقولنا حاجة واحدة في الرواية دي..عيش حياتك زي ما أنت عاوز بس لازم من وقت للتاني تطلع الزوربا اللي جواك عشان ساعتها بس حتحس إنك سعيد:)
"كتبك تلك أبصق عليها،فليس كل ما هو موجود،موجود في كتبك..
يا..أرقص..أرقص..أرقص.."
من خلال شخصية زوربا بياخدنا كازانتزاكيس في رحلة داخل النفس البشرية عشان نحاول نفكر في إجابة للسؤال دة..
زوربا هو الحرية هو التمرد هو التحرر من كل القيود بأشكالها المختلفة...
"تخلصت من الوطن، تخلصت من المال ،تخلصت من الكاهن..إني أغربل نفسي..كلما تقدم بي العمر غربلت نفسي أكتر..ماذا أقول لك؟إنني أتحرر ..إنني أصبح إنساناً.."
زوربا في رأيي هو رمز للسعادة ..للحياة من غير قلق من غير ندم من غير حتي التفكير في بكرة...
"كففت عن التفكير بما جري في الأمس.كففت عن التسائل عما سيجري غداً...ما يجري اليوم-في هذه اللحظة-هذا ما أهتم به.."
الرواية كرواية أكيد مختلفة ،منكرش إن كان في ملل شوية في بعض من الأجزاء بجانب نظرة زوربا المستفزة للمرأة وكلامه عنها بإحتقار معظم الوقت ده غير طبعاً أفكار زوربا المجنونة اللي ممكن تكون غير مقبولة للبعض...
وأخيراً أكيد بختلف مع زوربا في حاجات كتير بس دة لا يمنع إني متأكدة إن كل واحد فينا جواه حاجة من زوربا وأعتقد إن كازانتزاكيس كان عاوز يقولنا حاجة واحدة في الرواية دي..عيش حياتك زي ما أنت عاوز بس لازم من وقت للتاني تطلع الزوربا اللي جواك عشان ساعتها بس حتحس إنك سعيد:)
"كتبك تلك أبصق عليها،فليس كل ما هو موجود،موجود في كتبك..
يا..أرقص..أرقص..أرقص.."
Sign into ŷ to see if any of your friends have read
زوربا اليوناني.
Sign In »
Reading Progress
July 4, 2019
– Shelved
July 4, 2019
– Shelved as:
to-read
June 29, 2020
–
Started Reading
June 29, 2020
–
7.67%
"لماذا!لماذا!ألا نستطيع أن نفعل شيئاً دون لماذا؟من أجل لا شئ،لمجرد اللذة!"
page
30
June 29, 2020
–
17.9%
"ليس للمرأة شئ آخر في رأسها..إنها مخلوق مريض فإذا لم تقل لها إنك تحبها وإنك تشتهيها ،تأخذ بالبكاء..
إن من يرونها ،عليهم أن يشتهوها،هذا ما تريده المسكينة!
ايه الكلام ده يا عم زوربا🙄"
page
70
إن من يرونها ،عليهم أن يشتهوها،هذا ما تريده المسكينة!
ايه الكلام ده يا عم زوربا🙄"
June 29, 2020
–
25.58%
"كان يعرف أنه لأمر يدعو إلي الخجل ألا يستطيع السيطرة علي قلبه،الدموع..الكلمات اللطيفة..كل ذلك يبدو له ضعفاً ولا يليق بالإنسان..."
page
100
June 30, 2020
–
38.36%
"عندما نعيش سعادة ما ،فنادراً ما نحس بذلك وإنما عندما نمضي وننظر إلي الوراء،نحسّ فجأة -وأحياناً بدهشة-كم كنا سعداء.."
page
150
June 30, 2020
–
58.82%
"المرأة كائن بشري مثلنا تماماً بل وأسوأ!عندما تري حافظة نقودك،تُصاب بالدوار وتلتصق بك وتفقد حريتها وتسرّ لفقدانها..!!!!
زوربا بدأ يعصبني!"
page
230
زوربا بدأ يعصبني!"
July 1, 2020
–
89.51%
"إن الاله الرحيم،لا تستطيع طبقات السماء السبع وطبقات الأرض السبع أن تسعه.لكن قلب الإنسان يسعه..إذن أحذر من أن تجرح ذات يوم قلب إنسان.."
page
350
July 2, 2020
–
Finished Reading
Comments Showing 1-43 of 43 (43 new)
date
newest »
newest »
message 1:
by
Ahmed
(new)
-
rated it 4 stars
Jul 02, 2020 01:49AM
الرواية تذكرني برواية سالنجر ( حارس في حقل الشوفان). لكن مع مراهق
reply
|
flag
انا احييك و اشجع عزمك لانك ماشاء الله تقرئين روايات فارقة في الادب لصفة مسترسلة..و جميل استنتاجك من رواية.
انا استعمل في حياة يومية .
عبارة لنترك الجد و تعد أطفال.
لنمارس شقاوة الاطفال و لعبهم و صخبهم.
لنحي روح الطفل فينا.
أحمد مقريتش رواية سالنجر بس هي القائمة من زمان:)
thank u rahma😍وعلي فكرة في جملة قالها زوربا في الرواية بتأكد كلامك بما بمعني ..إيه المشكله يعني لما نفضل أطفال علطول:)
زوربا بالنسبة ليا شخصية محيرة مابين الانسان والبهيمة ، مابين العبث وتقديس الحياة حكمي عليه كان قاسي في قراءتي الاولى ، اعتقد اني محتاج اقرأها تاني
شوفت تقييمك بنجمة واحدة وأتخضيت:)انا معاك إنه شخصية محيرة بس مختلفة ومجنونه ..خد منه بس اللي شبهك والباقي طنشه..
بس أعتقد إنها محتاجة منك قراءة تانية أكيد..
وصلتي للزتونه على رأي أخواتنا اللبنانيينخلاصة الحكمة الزورباوية: سيب نفسك و الميه هترفعك :)
الصراع الأزلي بين الطفل اللي جوانا و الحكيم اللي طابق على نفسنا
هيا فعلا فيها أجزاء ممله شويه بس لو عجبك كازنتزاكس و مقرأتيش المسيح يصلب من جديد يبقى لازم تحطيها في الليسته و تدعيلي :)
Mohamed wrote: "زوربا بالنسبة ليا شخصية محيرة مابين الانسان والبهيمة ، مابين العبث وتقديس الحياة حكمي عليه كان قاسي في قراءتي الاولى ، اعتقد اني محتاج اقرأها تاني"
أضم صوتي لصوتك بالضبط. ماعجبنيش تماما ويمكن يكون صدمني. لما قرأت تقرير إلى غريكو لنفس الكاتب كنت أكثر تقبلا لأفكار الكاتب وأسلوبه. يمكن...يمكن أكون ظلمت زوربا في تلك القراءة.
Mohammed-Makram wrote: "وصلتي للزتونه على رأي أخواتنا اللبنانيينخلاصة الحكمة الزورباوية: سيب نفسك و الميه هترفعك :)
الصراع الأزلي بين الطفل اللي جوانا و الحكيم اللي طابق على نفسنا
هيا فعلا فيها أجزاء ممله شويه بس لو عجبك..."
إضافاتك يا مكرم رائعة، هو فعلا في صراع بين الحكيم وطفيل في زوربا وفينا، والتوازن مطلوب لكن صعب.
زوربا يترك انطباعات متعددة الأطياف وماكنش سهل عليا أحدد موقفي منه. في النهاية تلاقي نفسك حسيت أنك كنت مع شخص أقنعك أنك تحب الحياة أكثر وتتذوق الجنون بين وقت وآخر.
@Mohammedفكرة التحرر عن طريق أشباع الحاجات حتى التقزز غير مقنعة بالنسبة لية ،
الحاجة ولادة ولا نهائية ، ومهما اشبعتها هتقودك لحاجات أخرى من الطبيعية الى اشدها انحراف
مكرم: سيب نفسك والمياه حترفعك دي فعلاً فلسفة زوربا في الحياة😅 أو زي ما الكينج بيقول متخليش حاجة توقفك متسيبش الدنيا تكتفك..إحنا تلاميذك يا معالي الوزير..نوصل للزيتونة واللمونة كمان:))
والمسيح يصلب من جديد كانت أول تعارف بيني وبين كازانتزاكيس وحبيتها جداً يمكن أكتر من زوربا كمان..وأنا بدعيلك من غير حاجة:))
محمد ومحمد بيومي: علي فكرة أنا كمان مقتنعتش بكل طريقة زوربا..ده حتي معندوش إنتماء لوطنه..وأنا برده مش مع ان في حاجة اسمها حرية مطلقة و حتي هو نفسه بيقول عقلك دايما حيتحكم فيك او زي ما قال حيتحكم في الحبل بتاعك..
اه هو طبعاً شايف إن السعادة إنك تقطع الحبل لان طول ما في حبل علي رقبتك أنت حتكون مش مبسوط..بس احنا صعب نعمل كدة او تقريبا مستحيل..
حلاوة الرواية من وجهة نظري انها حتخليك تفكر و أكيد حتلمس فيك أفكار مجنونه معظمنا بنخبيها ومش بنطلعها:)
Mohamed wrote: "@Mohammedفكرة التحرر عن طريق أشباع الحاجات حتى التقزز غير مقنعة بالنسبة لية ،
الحاجة ولادة ولا نهائية ، ومهما اشبعتها هتقودك لحاجات أخرى من الطبيعية الى اشدها انحراف"
@Mohamed
في أغلب الحالات -من وجهة نظري- الإغراق في إشباع الحاجات يزيد من جشع الشخص وإدمانه ويمكن كمان يفقد الشيء متعته. مش في كل الحالات لكن في أغلبها. في الحالات الأخرى ممكن يتوصل الشخص للاكتفاء.
Pakinam wrote: "محمد ومحمد بيومي: علي فكرة أنا كمان مقتنعتش بكل طريقة زوربا..ده حتي معندوش إنتماء لوطنه..وأنا برده مش مع ان في حاجة اسمها حرية مطلقة و حتي هو نفسه بيقول عقلك دايما حيتحكم فيك او زي ما قال حيتحكم ف..."
قرأتها قبل فترة طويلة وأعتقد أن الواحد ذائقته تشكّلت بشكل أكبر من أيامها.
عموما أذكر أن الأفكار ماكانتش المشكلة بالنسبة لي بقدر ماحسيتها مملة وماتوديش لمكان. يمكن لو أعدت قراءتها أغير رأيي، يوما ما إن شاء الله بعد التقاعد.
انا معاكم علي فكرة..مفيش حاجة اسمها الاغراق في اشباع الحاجات..احنا بني ادمين مش زي ما بيقول زوربا علينا 'بهايم'..في عقلنا واخلاقنا و إنسانيتنا بتتحكم فينا ومش حقولك حتي ديننا..
يعني يا محمد نستني لبعد سن ال٦٠ عشان تقراها تاني😅ماشي ..احنا قاعدين..حنروح من بعض فين:))
Pakinam wrote: "يعني يا محمد نستني لبعد سن ال٦٠ عشان تقراها تاني😅ماشي ..احنا قاعدين..حنروح من بعض فين:))"😂😂😂😂
أنتي متأكدة؟ الموقع ده مشهور بالاختفاءات المفاجئة الأبدية، عموما نتفق أن اللي يروح عند اللي اختفوا يبقى يبلغنا عن المكان وسبب الاختفاء
انا كنت مستنية المراجعة بتاعتك مراجعة جمييلة ياباكينام وجابت من الاخر
انا ناسية تفاصيل كتير بس انا حبيت جنانه مش معناه انى متفقة معاه فى كل حاجة بس محتاجين شوية جنان من وقت للتانى او زى ماقلتى كل واحد فينا محتاج يطلع زوربا اللى جواه من وقت للتانى بالشكل اللى يناسبه .
خلاص يا محمد وعد اهو قدام زوربا اللي يختفي مننا التاني ميسيبهوش ويروح يجيبه و يرجعه هنا تاني بالذوق أو بالعافية😅
Pakinam wrote: "خلاص يا محمد وعد اهو قدام زوربا اللي يختفي مننا التاني ميسيبهوش ويروح يجيبه و يرجعه هنا تاني بالذوق أو بالعافية😅"ان شاء الله يروح يجيبه مايختفيش معاه هو الاخر😂
قراءة ممتعة في كتابك القادم يا باكينام
thank u dalia❤️وده اللي انا بقوله نختلف مع زوربا طبعاً..جوانا زوربا صغير برده طبعاً..
محتاجين بس نطلعه من وقت للتاني:)
وعلي فكرة بقي لحظاتنا المجنونة بتفرق في حياتنا ونفسيتنا و تخليني كده لما نفتكرها نضحك ضحكة حلوة مش بتطلع علطول:)
إن شاء الله لا 🤣🤣thank u mohamed:)
وانت كمان انجوي معالي التيس تروخييو؛)
بعيد عن الرواية ، هل شاهدتم الفيلم المأخوذ عنها ؟ ، بطولة أنتوني كوين
شوفت الرقصة بس:) بس نزلته وحتفرج عليه قريب ان شاء الله:)
شايفك ياللي بتتكلم عن تقاعد في الستينو عارف انت في فصل ايه و عارف شنطتك و هجيبك
بصوت حسن حسني في فيلم الناظر
ضحكات طويله متقطعه 😀😀😀
انا لو فضلت إشتغل لسن الستين هحس إن زوربا باصصلي من المرايه و بيطلع لي لسانه كل يوم الساعه سبعه الصبح
انا هاطلع زوربا إللي جوايا و أتقاعد أول ما أوصل لحد الكفاف الإجتماعي
حتى لو اضطريت آخد محلول معالجة الكفاف 😊
محلول معالجة الكفاف🤣🤣طيب الحمدلله انك عارف الفصل بتاعه فين عشان تروح تجيبه لما يختفي😁
Pakinam wrote: "محلول معالجة الكفاف🤣🤣طيب الحمدلله انك عارف الفصل بتاعه فين عشان تروح تجيبه لما يختفي😁"
لأ بالله عليكوا بلاش موضوع الاختفاء ده علشان بيوجع بجد
احنا فاضل لنا تكه في الموقع ده و نعمل فقرة تنويه عن المفقودين 😢
مأجل قراءتها من زمان .. ريفيو جميل مشجع ..
شكراً محمود:) بس يعني ممكن متعجبكش برده..زوربا اصله مجنون حبتين تلاتة أربعة:)
عز الطلب 😂😂و على رأي أحمد زكي .. لازم شوية جنان 😊
أنا مع الجنان الحقيقة..thats why i loved it:)
ريفيو جميل و وافي فعلا جمال الرواية ليست في أفكار و رؤية زوربا إنما في طريقته لحل معادلة الحياة ببساطة بلا تعقيد شجاعته حسمه لمشاكله في غمضة عين هذا ما يميز الرواية.
شكراً محمد🌹 الرواية مميزة فعلاً وجنان زوربا وعدم تقيده بأي حاجة، كلنا أكيد محتاجين شوية منه ونحاول نعمل زيه من وقت للتاني..
مش عارف كنت قريته في بدايات قراياتي و حسيت انه over rated و مكملتوش.. ممكن ابقى اديله فرصة تانية
عاوز مزاج في القراية و هو ممل شوية في بعض الأجزاء..بس أكيد يستاهل منك محاولة تانية يوما ما:)
الله الله الله... 👏👏👏👏👏👏👏
فعلا في اختلافات كتيرة معاه خصوصا مع نظرتي كمسلم لكن الفكرة الأساسية جميلة ريفيو موفق ♥️
