ŷ������

(أتكلم جميع اللغات لكن بالعربية) إسم كتاب لعبدالفتاح كيليطو وهو كاتب مغربي أو ناقد ان صح التعبير لإنه بميل بكتبه الكثيرة باللغتين العربية والفرنسية للنقد مع إنه إله روايات مثل أنبؤوني بالرؤيا بس حتى روايته هاي كانت غريبة كإنها نقد عن طريق قصة وبتذكر إنها أخذت مني وقت طويل رغم أنها حول 120صفحة بس!

السيرة الذاتية للكاتب حافلة :انولد ب1945 وحاصل على دكتوراة دولة من السوربون ب1982وموضوعها السرد والأنساق الثقافية في مقامات الهمداني والحريري وبشتغل أستاذ في كلية الآداب بجامعة محمد الخامس وسبق واشتغل في أستاذ زائر بعدة جامعات منهم السوربون وهارفرد وبوردو مرحبا وإله أكثر من 17مؤلف بمختلف المجالات الأدبية... هاي المعلومات من ويكيبيديا.

كيليطو مثال حي على إزدواجية اللسان والمزج الثقافي وهو نفسه بعترف بهالشي ودايماً كانت كتاباته حول هاي النقطة ونقده كان موجه للكتاب اللي بحملوا لغتين أو لسانين على رأيه وبحاول يناقش أسباب الإنطباعات اللي بتنعكس على الكتب والمؤلفات ومين اللي بنتصر بالنهاية وإله تشبيه حلو بحكي فيه انه أصحاب اللسانين زي الضراير كل وحدة بتكيد للثانية وبتحاول تبرز نفسها بأعمال الكاتب...وبستشهد بقول استشهد فيه كافكا بيومياته مأخوذ عن فنانة من براغ بتقول(أترون، إنني أتكلم اللغات جميعها، لكن بالييديش)..

عناوين الفهرس مغرية للقراءة وتقسيم الكتاب حلو لإنه كل جزء بحتوي على فكرة وبطرح عليها أمثله من مؤلفات تؤيد أو تقوض النظرية مثلاً :كيف يمكن للمرء أن يكون أحادي اللسان، لن تترجمني، اللغة مع،،،، يعني كتاب ممتع ومفيد بنفس الوقت زي كل كتب كيليطو