ŷ������

اللي حصل اني نزلت القصة دي لأن اسمها عجبني
وكمان كنت عايزة حاجة خفيفة كدة تخفف ضغط الامتحانات والمذاكرة :@

وماشية تمام وزي الفل والحياة جميلة خالص وان كنت متضايقة انه بيحكي حكاية في اليابان
طب ما قصص الحب موجودة في مصر والعالم العربي برده !!
بس قلت يلا مش مشكلة.. وأصلا أبطال القصة يخلوك تحبها
كله ماشي تمام
لحد ما الصدمة تحصـــــل في نص الرواية بالظبط :(

بصفة عامة يعني عجبني -كالعادة- نظام فانتازيا انها تعيشك كدة في اجواء وعوالم كتير وانت قاعد مكانك
وعجبني وصف أحداث هيروشيما كأني كنت موجودة هناك
عشت معاهم لحظة الكارثة.. وعرفت كمية العذاب والمآسي اللي حصلت في اليوم الكئيب ده وما يليه
وعرفت أد إيه آلة الحرب الامريكية في منتهى البشاعةوعدم الانسانية
كنت عارفة كدة طبعا.. بس مش للدرجة دي
مش للدرجة دي خالص :(

ربنا يسامحك يا دكتور أحمد
قلبتها لي دراما واكتئاب وانا رايحة أمتحن :((