Sign in with Facebook
ESRAA MOHAMED's Reviews > لوكاندة بير الوطاويط
لوكاندة بير الوطاويط
by
by
أولا أنا بناشد القائمين على الجودريدز يحطوا تقييم بالسالب عشان احنا داخلين على مرار طافح فنسهل لبعض أيامنا على الكوكب البائس دا.😑
قراري الأول كان بعدم قراءة هذه الرواية لولا إصرار صديقة لن أذكر اسمها .. ماشي يا غفران 😃
ثانيا لو حضرتك منتظر مني ريفيو تحليلي محايد فدا مش هيحصل هتلاقي هنا ريفيو ناقد لاذع واحتمال يبقى جارح والله تقدر تروح لريفيوهات الأصدقاء
نيرة
أيمن
رضوى
دير
هم كفوا وأوفوا تحليلات ونبذات وكله، أنا هنا عايزة أتكلم مع عبقري الجيل وفيلسوف الزمان أحمد مراد.🤓
عزيزي الأستاذ أحمد مراد � أما بعد �
قبل ما أبدأ في ذكر رأيي الخاص عن روايتك المهلبية بير الوطاويط عايزة أسأل حضرتك سؤال بسيط هو لييييه ؟؟؟ لا بجد السؤال كده بس هو ليييييه ؟🤔
هو حد فهم حضرتك أنك لو كتبت رواية طبيعية وبطلها إنسان طبيعي بشري عادي يعني من اللي يخطئوا و يتوبوا ويرجعوا تاني يخطئوا و يحاولوا يوازنوا بين دينهم ودنياهم دول حد هيشتمك ولا هيصلبوك ولا هيجروا وراك ويقولوا الحقوا يا جماعة اللي بيكتب عن بشر طبيعية أهو و يزفوك ؟؟؟🙂
بلاش .. حضرتك جامد جدا وفيلسوف وعميق فعايز تمسك الملفات الشائكة زي الجنس والإلحاد وماله عادي نعديها متخيل إني بقولك نعديها بس متجيش تقول أنا هتكلم من وجهة نظر لولبية في الملفات دي وتروح تغرف من القاع زبالة الزبالة وتقول أهو خدوا ملفات شائكة انبسطوا لا حضرتك كده فاتح بلاعة مجاري وبتقولنا استجموا ..
أنا حزينة حقيقي عليك لسببين :
* أولا أن العراب - رحمة الله عليه - مربي الأجيال ومعلمنا و ملهمنا وفاتح لأجيال آفاق القراءة اعتبرك تلميذه النجيب ولا أتذكر لفظ خارج في كتابة من كتاباته مهما كانت ساخرة أو لاذعة، وأنا لا أقارن بينك و بينه غير أني توقعت العلاقة بينكم قد تثمر عن كاتب موهوب يبسطنا ونقول عليه بجد تلميذ العراب.
* ثانيا - وهنا هنتش قول ذكرته في روايتك فإن كنت لا تدري فتلك مصيبة ... و إن كنت تدرى فالمصيبة أعظم - إن حضرتك موهوب وتمتلك قلم يطلع حاجة محترمة تعجب طوائف القراء سواء كانت قصة أو أسلوب من غير أفكار مستفزة ولا حشو سخيف، يعني لو كنت لا تمتلك الموهبة كنت لقيت سبب أبرر به اختياراتك السيئة دي وأقول أكل العيش مر وهيعمل ايه ما الكل بقى بيكتب ولازم يلفت الأنظار له ما هو عديم الموهبة أما أنت للأسف تمتلكها واخترت طريق هيخلي ناس كتير كان نفسها تشوف كاتب مصري شاب ناجح بطريقة إيجابية ونسترجع أمجاد زمان تقاطعك، يا خسارة فعلا . بس هضطر أسأل السؤال تاني .. ليييييه يا بابا لييييه ؟
سيبك من اللي فوق دا ونيجي بقى لروايتك القشطة - طبعا سيادتك عارف قشطة دي تبقى مين -.🙂
نعدي أنك من أول صفحة كاتب ألفاظ خارجة ونقول مش مشكلة لا وفي لفظ محدد كنت بحس إنك لما بتكون مزنوق في كلمة تحشره في النص، وقلت خليك يا بنتي مع سليمان السيوفي نعرف قصته ايه بس حبيت تتذاكى وتجيب لي بطل مجنون فدا هيخليه يهري في أي موضوع والمطلوب مني أسكت أصله مناخوليا، بطلك مسابش حاجة مستفزش الواحد فيها صراحة - أنا هعد في الآخر الفحش والقرف اللي حضرتك خليت بطل روايتك يعمله - نعدي قلة الأدب والبذاءة.
القصة عن الأستاذ سليمان السيوفي مصور الجثث ومحدث الموتى تقابله مجموعة جرايم غريبة تستهدف أثرياء القاهرة فبيساعد الحكومة في البحث عن القاتل الشرس.
لامؤاخذة شايف السطرين اللي فوق دول 🤓 كان ممكن تطلع منهم قصة بوليسية تشويقية تاريخية رائعة وبغض النظر أن الفكرة ظهرت في فيلم أجنبي مشهور Seven بس وعهد الله ما كنا هنتكلم كفاية إنك تغلفها بطابع تاريخي مصري.
تعالى شوف بقى العك اللي أنت عملته :
* سليمان مصاب بالبارانويا المتقدمة وهلاوس ومرضه خلاه ميكتفيش بالخوف من البشر لا حضرته اخترع الهجين القمري دا زاحف عملاق همه الأوحد القضاء على حيلة أمه سليمان ويدخل جلده ودا طبعا مكنش له تلاتين لزمة في الرواية بس اهو أي حشو.
* أنت موقفتش عند كده لا قلت تزود الجرعة شوية وضيفي عندك يا ست الكل عشب جنون العظمة وخليت البطل ماشي في كل صفحة يقول أنه نبي والوحي متأخر شوية - وهنا هقتبس من كلامك عشان أنا لا أجرؤ على الكلام دا - وأن الأنبياء الإخوة الزملاء عانوا زيه وأولو العزم كلهم تعرضوا للظلم والمعاناة والمقارنات بين سيدنا سليمان ما الاسم واحد بقى والمعجزات واحدة البيه بتاعك بيكلم الذباب والنباتات والطيور والحيوانات وقلت توسع مشهد المقارنات في كل فصل تذكر نبي مختلف وتشبهه به كالمسيح و يونس و نوح دول أسيادنا يا أستاذ، أنا معرفش الجرأة دي بتجيلك ازاي في الكلام عن الأنبياء أصفياء الله .. اتق الله وتأدب تأدب تأدب.😡
* الدين : ذكرت في النقطة اللي فاتت استهانتك بتشبيهات مع الأنبياء وهكمل في النقطة دي لعبة لعبتها زودت الغضب جوايا، حضرتك عليت بقى عن الإلحاد والكلام المهروس دا وقلت لا أنا هجيب فكرة متخطرش على بال حد ايه رأيكم نجيب البطل مسلم ومسيحي في نفس ذات الوقت !! أنت مدرك بتعمل ايه ولا مش مركز ؟! أنا متفهمة والله روح الوحدة الوطنية والهلال والصليب وكلنا نسيج واحد وكل الحاجات الجميلة دي بس دا مش مبرر يخليك تجيب لي بطل بيصلي العصر ويقوم يرسم الصليب أو يقرأ سورة الكهف وبعدها يقرأ سفر إشعياء، دا تخلف والله أنت كده لا بتعجب مسلمين ولا مسيحيين ولا ملحدين حتى، يا أخي مكنش له لزمة أصلا أعرف دين البطل والله شيله خالص كفاية اللي هو فيه، ارجع يا أستاذ مراد للإلحاد أفضل ولا أقولك بلاش أصلا تعرفنا ملة البطل، طبعا مش عايزة أنوه أن السيد الفاضل لم ينسى نظرية داروين مفيش حاجة عدت من خلايا مخه الرمادية المضيئة.
* الجنس � وآه بقى منك يا فنان وأنت بتحشره في كل أعمالك المرة دي أنت مبهر حقيقي ، يعني زنا محارم تلاقي، شذوذ ميضرش، واحد ماشي يعمل علاقة مع أي سيدة اهو دا الطبيعي اللي فيهم بس أنت قلت توضح ماضيه القذر وأزمته مع جنس المرأة كله على بعضه وبعدها حسيت إنك مكفتش ووفيت قلت تزود العيار و تجيب له قشطة عارف قشطة ؟! قشطة صاحبة الذيل وآكلة لحوم البشر - وهنا هقول جملة برضه ذكرها العالمي لا أجرؤ على التفكير فيها والله - " قشطة هي أول من آمن برسالتي من النساء " .. هنا أنا مش هعلق واضحة زي الشمس والله، طبعا قلت مش هتيجي على الشذوذ مع الحيوانات ذكرها في جملة مجتش عليه يا راجل.
حضرتك طلعت القاهرة القديمة كلها قرية سيدنا لوط يا أخي الشعب كله مفيهوش حد مستقيم، زنا و زنا محارم وشذوذ وعلاقات متنوعة وعلاقات مع حيوانات.
* عنتر .. جايب دبانة يا مؤمن والله ماهتكلم دبانة ومخليها ولي وشيخ صالح يسكن تكية صوفيين ؟!
* أخيرا الأمثال والله لو حضرتك نزلت الأرياف وقعدت مع سيدة معمرة مش هتقولك كم الأمثال اللي الذكر في رواية حضرتك ماشي يقولها وناقص له لبانة بس طبعا بطل أحمد مراد ميقولش أمثال عادية من بتاعة الناس لا ازاي يقولوا عليك ايه ؟! جايب أمثال دنيئة وفاحشة وسخيفة وعمري ما سمعتها.
* النهاية بقى .. أهو كل اللي فوق دا كوم والنهاية كوم .. هو الظاهر إنك كنت بتكتب في أمان الله فدار النشر كلمتك سألتك عن أخبار التحفة دي قلت خلاص ومكنش لسه في نهاية فكتبتها كده وأنت بتتفرج على التليفزيون وقلت نقفلها بنهاية عميقة فلسفية مفتوحة الناس تحب الحاجات دي عشان الجدل يزيد لا عرفنا مين عايش ولا مين مات ولا أصلا البطل دا موجود ولا لا ؟! نصيحة متعملهاش تاني بلاش مش بتاعتك لعبة النهاية المفتوحة دي.
أجمع لك بقى أفكارك البهية من مجموعة الصفحات الخاوية دي : مرض نفسي مش أقل من نوعين + جنس بكل أنواعه بما فيهم الحيوانات + إسقاطات دينية واضحة وصريحة ووصلت أنها تقال صراحة من غير تورية + بطل مسلم ومسيحي وبيذكر نظرية التطور + كلام فاحش + هري كتير ملوش لزمة في أي مكان + مجموعة صفحات قليلة عن الجرائم والتاريخ = قاريء يأكل سندوتش دبت فيه العفونة مستجما أمام بالوعة صرف صحي مفتوحة.
انتقدت بس هقول الحق لو كنت كتبت رواية 100 صفحة وجمعت لي الجرائم المذكورة والتاريخ بلغتك وأسلوبك اللي تطوروا وسردك الحلو وقدرتك الحكائية وألغيت الحشو والقيء والصرف الصحي اللي في باقي الرواية صدقني كانت هتعجب معظم المهاجمين.
وفي النهاية 🙃
السيد أحمد مراد هذا فراق بيني وبينك ..
أحب أختم وأقول قبل ما أي حد يعلق أن دا رأيي الشخصي على صفحتي الشخصية وعشان الرواية دي حرقت دمي فاللي عايز يعلق ياريت يوافقني على كلامي - بمعنى أوضح وأدق يطبل لي - أو ميعلقش خالص عشان أنا مش عايزة ادخل في مهاترات بسبب الأوراق اللي مينفعش أقول عليها قيء فكري ونفسي.
ومفيش استمتعو ولو هنقرأ الحاجات دي يبقى لا تدوموا قراء ونشوف حاجة تانية نعملها 😡
قراري الأول كان بعدم قراءة هذه الرواية لولا إصرار صديقة لن أذكر اسمها .. ماشي يا غفران 😃
ثانيا لو حضرتك منتظر مني ريفيو تحليلي محايد فدا مش هيحصل هتلاقي هنا ريفيو ناقد لاذع واحتمال يبقى جارح والله تقدر تروح لريفيوهات الأصدقاء
نيرة
أيمن
رضوى
دير
هم كفوا وأوفوا تحليلات ونبذات وكله، أنا هنا عايزة أتكلم مع عبقري الجيل وفيلسوف الزمان أحمد مراد.🤓
عزيزي الأستاذ أحمد مراد � أما بعد �
قبل ما أبدأ في ذكر رأيي الخاص عن روايتك المهلبية بير الوطاويط عايزة أسأل حضرتك سؤال بسيط هو لييييه ؟؟؟ لا بجد السؤال كده بس هو ليييييه ؟🤔
هو حد فهم حضرتك أنك لو كتبت رواية طبيعية وبطلها إنسان طبيعي بشري عادي يعني من اللي يخطئوا و يتوبوا ويرجعوا تاني يخطئوا و يحاولوا يوازنوا بين دينهم ودنياهم دول حد هيشتمك ولا هيصلبوك ولا هيجروا وراك ويقولوا الحقوا يا جماعة اللي بيكتب عن بشر طبيعية أهو و يزفوك ؟؟؟🙂
بلاش .. حضرتك جامد جدا وفيلسوف وعميق فعايز تمسك الملفات الشائكة زي الجنس والإلحاد وماله عادي نعديها متخيل إني بقولك نعديها بس متجيش تقول أنا هتكلم من وجهة نظر لولبية في الملفات دي وتروح تغرف من القاع زبالة الزبالة وتقول أهو خدوا ملفات شائكة انبسطوا لا حضرتك كده فاتح بلاعة مجاري وبتقولنا استجموا ..
أنا حزينة حقيقي عليك لسببين :
* أولا أن العراب - رحمة الله عليه - مربي الأجيال ومعلمنا و ملهمنا وفاتح لأجيال آفاق القراءة اعتبرك تلميذه النجيب ولا أتذكر لفظ خارج في كتابة من كتاباته مهما كانت ساخرة أو لاذعة، وأنا لا أقارن بينك و بينه غير أني توقعت العلاقة بينكم قد تثمر عن كاتب موهوب يبسطنا ونقول عليه بجد تلميذ العراب.
* ثانيا - وهنا هنتش قول ذكرته في روايتك فإن كنت لا تدري فتلك مصيبة ... و إن كنت تدرى فالمصيبة أعظم - إن حضرتك موهوب وتمتلك قلم يطلع حاجة محترمة تعجب طوائف القراء سواء كانت قصة أو أسلوب من غير أفكار مستفزة ولا حشو سخيف، يعني لو كنت لا تمتلك الموهبة كنت لقيت سبب أبرر به اختياراتك السيئة دي وأقول أكل العيش مر وهيعمل ايه ما الكل بقى بيكتب ولازم يلفت الأنظار له ما هو عديم الموهبة أما أنت للأسف تمتلكها واخترت طريق هيخلي ناس كتير كان نفسها تشوف كاتب مصري شاب ناجح بطريقة إيجابية ونسترجع أمجاد زمان تقاطعك، يا خسارة فعلا . بس هضطر أسأل السؤال تاني .. ليييييه يا بابا لييييه ؟
سيبك من اللي فوق دا ونيجي بقى لروايتك القشطة - طبعا سيادتك عارف قشطة دي تبقى مين -.🙂
نعدي أنك من أول صفحة كاتب ألفاظ خارجة ونقول مش مشكلة لا وفي لفظ محدد كنت بحس إنك لما بتكون مزنوق في كلمة تحشره في النص، وقلت خليك يا بنتي مع سليمان السيوفي نعرف قصته ايه بس حبيت تتذاكى وتجيب لي بطل مجنون فدا هيخليه يهري في أي موضوع والمطلوب مني أسكت أصله مناخوليا، بطلك مسابش حاجة مستفزش الواحد فيها صراحة - أنا هعد في الآخر الفحش والقرف اللي حضرتك خليت بطل روايتك يعمله - نعدي قلة الأدب والبذاءة.
القصة عن الأستاذ سليمان السيوفي مصور الجثث ومحدث الموتى تقابله مجموعة جرايم غريبة تستهدف أثرياء القاهرة فبيساعد الحكومة في البحث عن القاتل الشرس.
لامؤاخذة شايف السطرين اللي فوق دول 🤓 كان ممكن تطلع منهم قصة بوليسية تشويقية تاريخية رائعة وبغض النظر أن الفكرة ظهرت في فيلم أجنبي مشهور Seven بس وعهد الله ما كنا هنتكلم كفاية إنك تغلفها بطابع تاريخي مصري.
تعالى شوف بقى العك اللي أنت عملته :
* سليمان مصاب بالبارانويا المتقدمة وهلاوس ومرضه خلاه ميكتفيش بالخوف من البشر لا حضرته اخترع الهجين القمري دا زاحف عملاق همه الأوحد القضاء على حيلة أمه سليمان ويدخل جلده ودا طبعا مكنش له تلاتين لزمة في الرواية بس اهو أي حشو.
* أنت موقفتش عند كده لا قلت تزود الجرعة شوية وضيفي عندك يا ست الكل عشب جنون العظمة وخليت البطل ماشي في كل صفحة يقول أنه نبي والوحي متأخر شوية - وهنا هقتبس من كلامك عشان أنا لا أجرؤ على الكلام دا - وأن الأنبياء الإخوة الزملاء عانوا زيه وأولو العزم كلهم تعرضوا للظلم والمعاناة والمقارنات بين سيدنا سليمان ما الاسم واحد بقى والمعجزات واحدة البيه بتاعك بيكلم الذباب والنباتات والطيور والحيوانات وقلت توسع مشهد المقارنات في كل فصل تذكر نبي مختلف وتشبهه به كالمسيح و يونس و نوح دول أسيادنا يا أستاذ، أنا معرفش الجرأة دي بتجيلك ازاي في الكلام عن الأنبياء أصفياء الله .. اتق الله وتأدب تأدب تأدب.😡
* الدين : ذكرت في النقطة اللي فاتت استهانتك بتشبيهات مع الأنبياء وهكمل في النقطة دي لعبة لعبتها زودت الغضب جوايا، حضرتك عليت بقى عن الإلحاد والكلام المهروس دا وقلت لا أنا هجيب فكرة متخطرش على بال حد ايه رأيكم نجيب البطل مسلم ومسيحي في نفس ذات الوقت !! أنت مدرك بتعمل ايه ولا مش مركز ؟! أنا متفهمة والله روح الوحدة الوطنية والهلال والصليب وكلنا نسيج واحد وكل الحاجات الجميلة دي بس دا مش مبرر يخليك تجيب لي بطل بيصلي العصر ويقوم يرسم الصليب أو يقرأ سورة الكهف وبعدها يقرأ سفر إشعياء، دا تخلف والله أنت كده لا بتعجب مسلمين ولا مسيحيين ولا ملحدين حتى، يا أخي مكنش له لزمة أصلا أعرف دين البطل والله شيله خالص كفاية اللي هو فيه، ارجع يا أستاذ مراد للإلحاد أفضل ولا أقولك بلاش أصلا تعرفنا ملة البطل، طبعا مش عايزة أنوه أن السيد الفاضل لم ينسى نظرية داروين مفيش حاجة عدت من خلايا مخه الرمادية المضيئة.
* الجنس � وآه بقى منك يا فنان وأنت بتحشره في كل أعمالك المرة دي أنت مبهر حقيقي ، يعني زنا محارم تلاقي، شذوذ ميضرش، واحد ماشي يعمل علاقة مع أي سيدة اهو دا الطبيعي اللي فيهم بس أنت قلت توضح ماضيه القذر وأزمته مع جنس المرأة كله على بعضه وبعدها حسيت إنك مكفتش ووفيت قلت تزود العيار و تجيب له قشطة عارف قشطة ؟! قشطة صاحبة الذيل وآكلة لحوم البشر - وهنا هقول جملة برضه ذكرها العالمي لا أجرؤ على التفكير فيها والله - " قشطة هي أول من آمن برسالتي من النساء " .. هنا أنا مش هعلق واضحة زي الشمس والله، طبعا قلت مش هتيجي على الشذوذ مع الحيوانات ذكرها في جملة مجتش عليه يا راجل.
حضرتك طلعت القاهرة القديمة كلها قرية سيدنا لوط يا أخي الشعب كله مفيهوش حد مستقيم، زنا و زنا محارم وشذوذ وعلاقات متنوعة وعلاقات مع حيوانات.
* عنتر .. جايب دبانة يا مؤمن والله ماهتكلم دبانة ومخليها ولي وشيخ صالح يسكن تكية صوفيين ؟!
* أخيرا الأمثال والله لو حضرتك نزلت الأرياف وقعدت مع سيدة معمرة مش هتقولك كم الأمثال اللي الذكر في رواية حضرتك ماشي يقولها وناقص له لبانة بس طبعا بطل أحمد مراد ميقولش أمثال عادية من بتاعة الناس لا ازاي يقولوا عليك ايه ؟! جايب أمثال دنيئة وفاحشة وسخيفة وعمري ما سمعتها.
* النهاية بقى .. أهو كل اللي فوق دا كوم والنهاية كوم .. هو الظاهر إنك كنت بتكتب في أمان الله فدار النشر كلمتك سألتك عن أخبار التحفة دي قلت خلاص ومكنش لسه في نهاية فكتبتها كده وأنت بتتفرج على التليفزيون وقلت نقفلها بنهاية عميقة فلسفية مفتوحة الناس تحب الحاجات دي عشان الجدل يزيد لا عرفنا مين عايش ولا مين مات ولا أصلا البطل دا موجود ولا لا ؟! نصيحة متعملهاش تاني بلاش مش بتاعتك لعبة النهاية المفتوحة دي.
أجمع لك بقى أفكارك البهية من مجموعة الصفحات الخاوية دي : مرض نفسي مش أقل من نوعين + جنس بكل أنواعه بما فيهم الحيوانات + إسقاطات دينية واضحة وصريحة ووصلت أنها تقال صراحة من غير تورية + بطل مسلم ومسيحي وبيذكر نظرية التطور + كلام فاحش + هري كتير ملوش لزمة في أي مكان + مجموعة صفحات قليلة عن الجرائم والتاريخ = قاريء يأكل سندوتش دبت فيه العفونة مستجما أمام بالوعة صرف صحي مفتوحة.
انتقدت بس هقول الحق لو كنت كتبت رواية 100 صفحة وجمعت لي الجرائم المذكورة والتاريخ بلغتك وأسلوبك اللي تطوروا وسردك الحلو وقدرتك الحكائية وألغيت الحشو والقيء والصرف الصحي اللي في باقي الرواية صدقني كانت هتعجب معظم المهاجمين.
وفي النهاية 🙃
السيد أحمد مراد هذا فراق بيني وبينك ..
أحب أختم وأقول قبل ما أي حد يعلق أن دا رأيي الشخصي على صفحتي الشخصية وعشان الرواية دي حرقت دمي فاللي عايز يعلق ياريت يوافقني على كلامي - بمعنى أوضح وأدق يطبل لي - أو ميعلقش خالص عشان أنا مش عايزة ادخل في مهاترات بسبب الأوراق اللي مينفعش أقول عليها قيء فكري ونفسي.
ومفيش استمتعو ولو هنقرأ الحاجات دي يبقى لا تدوموا قراء ونشوف حاجة تانية نعملها 😡
Sign into ŷ to see if any of your friends have read
لوكاندة بير الوطاويط.
Sign In »
Reading Progress
August 4, 2020
–
Started Reading
August 4, 2020
– Shelved
August 5, 2020
–
Finished Reading
Comments Showing 1-33 of 33 (33 new)
date
newest »
newest »
انا اطبل لك و اصفق لك و احيي و ارفعك لك تحية و تعظيم و سلاماولا على صبرك على قراءة انت كدة تحاوت رواية سنة ماضية تبع ممرضة و الحرب
ثانية ريفيو حلو دا .
ثالث انا متأسفة فعلا .احسست بغضبكم موش كرمال رواية و لا سيد دا.
بس لانكم احسست بغضب لاجل العراب الله يرحمه و هدر الموهبة.
ربنا يعوض عليكم
Radwa wrote: "عارف قشطة يا لمبي 😑 ام ديل تسلمي واالله ما يجي في ريفيوهاتكم حاجة .. دا عبارة عن غضب روضته عشان الرقابة اللي مش شايفة شغلها مع الاستاذ وبتطلعه علينا احنا بس🙄
Rahma.Mrk wrote: "اهي هي دي الصداقة والوحدة العربية المطلوبة 😍👌
صبرت عشان لما ارد يكون عندي خلفية كاملة على القرف دا حقيقي وخسارة فيه الوقت وحرقة الدم
غضبنا ناتج عن علاقته فعلا بحبيبنا أحمد خالد توفيق واهداره لموهبة في سبيل الضجة والجدل اللحظي..
وسيذهب إرثه في لحظة بعد مماته لن يبقى ..
ماخدناش من مراد وروايته الطين دي الا الكلام 🤕لا وما شاء الله في افتتاحية الريفيو اول اسم 😂
ومقولتيش ليه حضرتك ان غفران لبستنا وخرجت لوحدها 😂😂
عشان كده الجورسا ناقصة سيكا 👊🏻😂
بس سيبك من اللي عملته غفران الله يسامحها الريفيو خارج من الشمخ الجواني 😂😂👍🏻👍🏻
الله عليكى تسلم ايديكى :) كدة انتى اخر الواصلين و كملتى على اللى عايزين نقوله و بكده نقفل الصفحة خالص لان الرواية خدت اكبر من حجمها بجد معانا :)
غفْرَان wrote: "والله مواثيق الصداقة وأصولها خلتني مقولش اننا أنا ورضوى كنا معارضي ومش فاعمين في ايه لغاية ما جيتي قلتي بداية مشوقة 🙂.. انا شكلي بفضح أكتر هو الصراحة تستاهلي 😂😂😂
برضه مرضيتش أوضح انك سيبتي الرواية في عز نضافتها وهربتي لان دي مش أصول 😂😂😎
الريفيو خارج من معاميع قلبي والله
😂😂😂😂😂😂 أنا مقرتش الرواية بس متابعة الريفيوهات وعارفة انها زبالة روايات ٢٠٢٠ 👎 بس هطبلك بردو علشان الريفيو جامد جدا 😂😂😂😂😂😂😂😂😂😂😂😂😂😂😂😂😂
Ayman wrote: "انا لو كنت فضلت متنحة للسقف والله كان افضل لي من قراءة القرف دا 😑
حبيت اطفي ناركم وسط ريفيوهاتكم المهذبة دي يابني 😂😂😂
هي فين الرواية دي ؟؟
Ësrãä wrote: "وهنا تظهر رابطة الإسراء يا عم مراد أهي دي الوحدة اللي المفروض تدرسها 😍
تسلمي والله د جزء من اللي في قلبي وخبيته بسبب البتاعة دي 😂😂😂😂😂😂
أنا معاكِ إني إحنا كنا بطيختين، وهي كانت بتدعمها 😂😂شافت عزيزة هربت لبسنا في قشطة 😂😂
Radwa wrote: "والله من أول صفحة وكنت بطيخة 😂😂😂😂
لا وسابتها في عز الطهارة 😂😂😂😂
مقرأتش الرواية بس متابعة مراجعات .. بجد انتي مسخرة اووي انا فصلت ضحك 😂😂😂💔
انا هطبلك واسقفلك وكل حاجة ، هلكتينى ضحك بالرفيو والله 👏👏 ببتهيالى لو احمد مراد نفسه قراه ممكن ينزل يلم نسخ الرواية بنفسه ويولع فيها 🤣
وبالذات مع صورة عبلة كامل 😅
كده رميتي الرواية للوطاويط و هي عملت فيها كل اللي تستحقه خلاص🦇😂😂 لازم تنشريه فيسبوك بقي انت و عبلة انتقمت لنا من الرواية ذات الريحة الاخيه.. و بعيدا عن الضحك تنبيهك و تساؤلاتك مشروعة جدا و تعبر عن حسرتك عليه
انت رابع المفارقين للابد.. يا رب يتبسط باننا سنريحه للابد اجمعين اهو 😂
لا اعلم لماذا اشعر ان هناك. جزء تاني منها و تبقي مغامرات قعر الحلة ده عبر الزمان و كده
برافو يا إسراء كفيتي ووفيتي 👏🏻👏🏻👏🏻😂 ( بنطبل أهو (أنا ما قرأت الرواية ولا حأقرأها بس مبسوطة جداً بمراجعات الأصدقاء عنها 😁
أنا هطبل يا إسراء هههههههههههههبجد ده رأيى فى أحمد مراد ومحمد صادق وغيرهم أصبحوا باحثين عن الترند مثلهم مثل مطربى المهرجانات وصناع محتوى التيك توك
أعاذنا الله وأياكم من شرورهم أجمعين
مراجعة استثنائية
Shahd wrote: "تدوم الضحكة والله يا شهد ❣�
أنا سعيدة ان الريفيو ضحكك بدل حرقة الدم اللي حرقها لي دي اهو اي فايدة من الهري دا 😂😂😂
Dalia wrote: "نسأل الله التساهيل ويحرقها ويخلصنا 😂
عبلة كامل دي أيقونة الجيل 😂
داليا 💖 هي دي الصداقة والوحدة اللي بجد الأصدقاء بيطبلوا دايما لبعض 😂😂
والله لو انت شايفة كده انا بطالب شعب الجودريدز بتوصيل الريفيو للعبقري يمكن يريحنا ويريح الضحايا القادمين 😂
Nayra.Hassan wrote: "الوطاويط هتموت بتسمم لو قطعت الرواية القذرة دي 🙄
لا انشره فيسبوك ايه دا هناك احتفالات بروعة وعبقرية الرواية اللوحة الفنية البديعة 🤣🤣 هيتهموني بالجهل والتعصب وهبقى من حراس الفكر ومعتقلي اليقين ودي بالمناسبة تهمة اتهمها لي واحد من أتباع كاتب معينن 😃
لا يوجد مكان انا فيه ولا استشهد بالست عبلة 😂😂
تساؤلاتي يمكن تصحي جواه نقطة ضمير دافنها يارب
بالعكس دا هيعمل فرح اننا فارقناه عشان هنسيب الساحة للالتراس يعملوا ريفيوهات تحليلة عن عمق وفلسفة رواياته وعرضه للحريات من غير تشدد ماحنافي الاول والاخر مثقفين التيارات الاسلامية 😂😂 شتيمة دي ؟؟؟
لا الجزء التاني دا يبله ويشرب ميته انا افضل لي اقعد في صمت اتأمل بدل حرقة الدم دي 😑
Taghreed wrote: "برافو يا إسراء كفيتي ووفيتي 👏🏻👏🏻👏🏻😂 ( بنطبل أهو (أنا ما قرأت الرواية ولا حأقرأها بس مبسوطة جداً بمراجعات الأصدقاء عنها 😁"
نعلي صوت الطبلة عشان الفيلسوف يسمع 😂😂🥁
اوووعي تقرأ الرواية بحذرك اهو اياك الشيطان يخدعك ويقولك جربي هتندمي هتواجهي رائحة سيئة🤢
Kamal wrote: "بص يا كمال أنا ديمواقراطية هتتطبل وتوافق تعلق هتعارض وتناقش برا من هنا 😂😂 😂😂
أيقونة ديموقراطية 😎
مانا مش هستنى حد يجي يقولي بتدمروا الابداع ليه وانا هضطر ارد بموضوعية لا معدش في صحة بصراحة 😂😂
بجد احنا في انحدار انا حزينة بقى الترند كتب لا تسمن ولا تغني من جوع ، طب مطربي المهرجانات معترفين بخلفيتهم الثقافية وبيئتهم والطبقة اللي موجهين ليهم عملهم دول أسوأ لأنهم مكتوبين على اسم مصر انهم المؤلفين والمثقفين ووراهم طبقات متنوعة في السن والبيئة بتعتبرهم رموز 🙄
ربنا يحفظنا .. تسلم يارب نورت الريفيو 💙
يعني حضرتك النهاردة والاستاذة نيرة امبارة كده اتأكدت بالهبوط في الهاوية لانجح كاتب مصري لكنه مش افضل كاتب مصري وبكده اتقفلت صفحة احمد مراد معايامنتظر اتشرف برأي حضرتك في روايتي الاخيرة اعترافات جثة الحمدلله محققة نجاح كويس واهو تدي فرصة ودعم للكتاب الشباب الذي حالاتي اللي مطحون في سوق الكتاب المشاهير
خلص الرواية لازم تحذف من الموقع ومن المكتبات ومن عقولكم حتى الكل يعيش بسلام 🙂مراجعة مميزة😂�
محمد wrote: الرواية حقيقي سيئة .. هو فعلا مراد أشهر كاتب مصري بس مش أفضل بالرغم من موهبته وتطوره .. الصفحة كانت مقفولة بس كنا معشمين
أكيد قريب أعجبت جدا بالمسلسل الصوتي بتاع حضرتك مميز ومعرفش الجزء الثاني نزل ولا ؟
ربنا يوفقك ودايما من نجاح لنجاح يارب وان شاء الله تيجي الفرصة اللي تظهر موهبتك فيها
Zhraa wrote: "للأسف سابت أثر سيء في عقولنا بس لا تنتظري حذفها بالعكس الترويج السلبي دا بيخلي الناس عايزة تقراها وفضولها يزيد ومراد عارف كده كويس
تسلمي يا قمر 💙
إضربى بيد من حديد 😂💪... ريفيو جميل جدا جدا ❤️❤️�
Salma wrote: "يلا ربنا يقدرنا علي فعل الخير 🤣😂 حبيبتي تسلمي ❤️❤�
ESRAA wrote: "Salma wrote: "يلا ربنا يقدرنا علي فعل الخير 🤣😂 حبيبتي تسلمي ❤️❤�"
❤️❤️❤️❤️
تعرفي يا اسراء انا كنت عماله ادور علي كتاب صغير خفيف يضحكني شوية بس الحمد لله المراجعة دي قامت بالواجب وزياااااااادة 🤣😉🤣
اعتقد احنا مش محتاجين حد يكتب مراجعات تاني هي المراجعة بتاعتك وكفى
أحمد مراد دا عدوي اللدود .. انا قرأت له بس فرتيجو اللي هي المحترمه اللي فيهم 😂😂
بس كانت بالنسبالي وقتها مش محترمة خالص وانا واخده علي يوسف السباعي واحسان عبد القدوس وغيرهم من الناس المحترمة
ومن ساعتها مقاطعة تامه بيني وبينه وكل كتاب بينزل جديد بيأكدلي اني كنت صح
انتي عارفه احسن حاجه ممكن تتعمل مع بني آدم زي دا علشان يتعلم الادب
الناس تبطل تقرأ كتبه من باب الفضول ونبطل نرشحها لبعض ونعمل زي ما انتي قلتي في آخر المراجعة بالظبط والا نبطل قراءة خالص احسن
وفي النهاية مش هقولك غير دي علشان انتي كيفتيني اوووووي انهاردة والله .. الله يباركلك
تدوم الضحكة ياسارة 😍أنا حاولت أحافظ على ثباتي الانفعالي والله دا كان في أكتر من كده بس قلت خليني ابقى هادية 😂
أنا قرأت له 1919 وأرض الاله وتراب الماس بس دي قفلتني خالص بقى
هو شاطر في التسويق وعارف طلب الناس وإن اثارة الجدل أهم من إنه يستغل موهبته بجد ويطلع رواية جميلة
للاسف حتى بعد ما اتسربت الناس كانت بتشتريها عشان يرضوا فضولهم ويتصوروا وهم بيقرأوها شئنا أم أبينا هو عارف يبقى بيست سيلر ويختار شريحة من القراء تشتريله
حبيبتي تسلميلي ❤❤
الحقيقة الريفيو ماسابش حاجة ما وضحش مدى السفه إللي في الرواية، عظمة يا إسراء حقيقي 👏🏼❤️