ŷ������

" لسا فى سحر فى العالم "
انا مؤمنة بكده اوى " سحر الموجى " ليست كاتبة هنا و لكنها احد كاهنات المعابد كاتبات الحكمة و حاملات المعرفة مش عارفة ايه وجه تأثرها اوى بالالهة المصرية بعد قراية رواية " دارية " و تأثرها ب نفتيس و نوت تعود فى " نون " لماعت و حتحور و سخمت و غيرهم الرواية واقعية اوى و عجبنى استعمال اللغة العامية سحر اعتقد الكاتبة الوحيدة اللى قريتلها لحد الان اللى وصفت الاحاسيس الجسدية و الجنسية بشكل راقى و ليس فيه ما يخدش الحياء عجبتنى الرواية بشدة كل واحد محتاج خلوة زى اللى راحها حسام اوقات كتير بنبقي ماشيين ف الحياة عشان المفروض اننا نعيش بالشكل ده لكن ولا مرة فكرنا احنا عاوزين ايه الرواية نهايتها غريبة و بديعة متقدرش تقول ان النهاية كانت مفتوحة لانها ادت تلميحات ليك ان كل شخصية ممكن تكمل مشواراها ازاى و انت توظف الفكرة بخيالك

الشئ الوحيد اللى افسد متعتى بالقراية حكاية الهوامش انى كنت اقطع القراية عشان اروح لاخر الكتاب اشوف المقصود ايه كان نفسي تعمل الهوامش دى ف اخر الصفحة عشان يبقي سهل

كان هيبقي لطيف لو حطت اسامى الاغانى الاجنبية بالانجلش ف نهاية الاغنية المترجمة او ف هامش ف نهاية الصفحة

" نون " و " دارية " من الروايات اللى بالتأكيد هقراهم مرات عديدة

امتعتنى بشكل عظيم :)