ŷ������

مقدمة الرواية تقول ان الشخصيات حقيقية وأن كل العلومات حقائق علمية، جميل جدا.
بداية الرواية توضح اننا بصدد رحلة لعالم الديب وب Deep Web لنرى ما يحدث في هذا العالم السفلي من كل ما هو خرق للقوانين والاعراف والأديان و اننا هنركب حاجة اسمها كرولر Crawler عشان نتفسح ونتفرج على شرور الانسانية في هذا العالم...لحظة واحدة، في حاجة غلط هنا ومن اولها كده؟ دا احنا لسه بنقول حقايق علمية!
الديب وب هي الجزء الخفي من شبكة الانترنت ولا يمكن الوصول اليه بالمتصفحات العادية زي جوجل و سفاري ولكن يحتاج متصفحات خاصة زي Tor, ليه؟  لأنه لا يظهر للويب كرولر web crawlers، ازاي بقا راكبين ميكروباص الكرولر وبنلف بيه الديب وبب؟

الديب ويب ليه استخدامات قانونية كتير ولكن مش متاح للعامة، زي كده الايميل بتاعك، علشان تدخل عالموقع محتاج كلمة سر، والموضوع مش معقد اوي، يعني مثلا، في مواقع التواصل الجزء الخاص بالأعضاء فقط Members Only بيعتبر جزء من الديب ويب، كذلك مواقع الانترانتIntranet الخاصة بالجامعات، المواقع الحكومية، المكتبات...الخ.
لكن في جزء من الديب ويب اسمه الدارك ويب Dark Web وهو ده اللي بيستخدم في الممارسات الغير قانونية ومن اشهر مواقعه موقع The Silk Road، الدارك ويب لا يمكن الوصول اليه الا ببرامج و اجهزة خاصة بيه، مش أي حد ممكن يوصله. و ده صحيح المعلومة.

المهم، دخلنا في القصة، مالقيتش قصة هاي تك سيبرانية تكنولوجية، ولا ليها أي علاقة بالدارك ويب ولا الانترنت من قريب او من بعيد، فا مش عارف ايه لازمة المقدمة ولا علاقتها بمحتوى الكتاب الصراحة، هي بعض الفصول اللي بتناقش مواضيع الجنس، الميديا، المخدرات، الخلق ونشأة الكون، المال، بدون وجود رواية تربط بينها، القارئ(اللي هو البطل) مسحوب من ايده من مشهد لمشهد وبس كده...

التوصيف الأنسب للكتاب انه جولة فكرية تطرح آراء و نظريات في كل موضوع و لكن بدون ذكر أي مراجع لما يطرحه الكتاب من معلومات و حقائق، هل المفروض ان انا هصدق المكتوب لمجرد ان المقدمة بتقول ان كل ما ذكر في الكتاب من معلومات هو حقائق علمية او دينية؟

مش رواية رعب، أو رواية اصلا كما هو موجود على أبجد..

MiM