ŷ������

المعني الحقيقي لجملة " ختامها مسك"، جزء تالت من الرواية مع اخر ورقة فيه وقت القراية حسيت اني خرجت من أكتر عالم رواية حبيته تقريبا.. الإبداع ف الجزء دا زاد و كان بشكل أجمل و أوضح عن الجزئين اللي قبله - وده ميمنعش ان الجزئين الأول و التاني تحفه برضو -، الرواية حقيقي من الروايات اللي أي قارئ مجرد ما يندمج معاها هيحبها جدا و هتحسوا بإفتقاد كبير للرواية مجرد ما تخلصوها.. رواية أنصح بقرائتها جدا لعدة أسباب..
أولاً لإن الرواية دي تكاد تكون أعظم و أجمل رواية مصورة مصرية بجانب انها حصلت في الجزء الأول منها علي الجائزة الكبرى من مهرجان القاهرة للقصة المصورة..
ثانياً لإن رغم طول الرواية لانها مكونة من تلات أجزاء إلا إنها كل جزء منها مش هتحس بأي ملل و كل روابة منهم كفيلة انها تشدك و تخليك تخلصها في مرة و قعدة واحدة..
ثالثاً الرسم و التفاصيل و الإنتاج الكامل للرواية -كرواية مصورة- ممتاز جدا جدا و كل نقطة فيه معموله بحرفية عالية.
رابعاً و دي اهم نقطة إن الرواية ليها عالمها الخاص نفس عالمنا فكل حاجه إلا حاجه واحدة مختلفة إنك تقدر تشتري الأمنيات.. ثلاث أجزاء مع كل جزء بنخوض تجربة أمنية جديدة مع شخص مختلف و أحداث جميلة و مشوقة.