ŷ������

قبل ما اقرا الرواية بشكل كامل كنت بشوف رسائل ايمان الأدبية الموجهة دائما وابدا الى تلك الصديقة اسما، كل رسالة منهم كنت بنبهر بهذه الشخصية وتكوينها وانها أكيد مش مقتصرة على هذه الرسائل لحد ما ظهر العمل ده وقدرت أعرف اسما ومش هي بس، قدرت أعرف كل شخصية، بعدها واسبابها وعلاقتهم بهذه المرأة-الخلاص- اللي هي ماتفرقش عنهم ف تكوينها
مش عايزة أحرق ولكن جميلة ونور من أجمل الشخصيات اللي تفاعلت معاهم ومع حياتهم ومعانتهم وطريقة حكيهم
كل مرة بنبهر بطريقة السرد ومدى روعتها، هتفضل الرواية دي واسما وصديقاتها من أقرب الأعمال لقلبي