ŷ������

ألحان السماء.. للاستاذ محمود السعدني رحمة الله عليه
أنا بحب كتابات واسلوب محمود السعدني جدا..وكتاب مذكرات الولد الشقي تحديدا بيقدر يقلب حالتي في اي وقت لحالة حلوة وضحك بصوت عالي وانا بقراه..
تاني مرة اقرأ حاجة مختلفة عن الكتابات الساخرة للاستاذ السعدني.. الاولي كان كتاب مصر من تاني اللي عمل فيه وجبة مختصرة ودسمة لتاريخ مصر بطريقة رائعة..
وهنا مع التحفة دي الحان السماء اللي من اول الاسم تحس بالجمال وكل لما تقرأ تحس بالجمال اكتر..
الكتاب عن دولة قراءة القرآن في مصر.. وحلاوة المدرسة المصرية في قراءة القرآن.. من اول الشيخ احمد ندا والشيخ منصور بدار والشيخ محمد رفعت والشعشاعي ومحمد سلامة وعلي محمود ومصطفي اسماعيل وعبدالعظيم زاهر والصيفي والقهاوي والشيخ عبدالباسط والحصري والطبلاوي رحمة الله عليهم جميعا..
والقارئات اللي كانوا مشاهير قبل الاربعينيات زي نبوية النحاس وكريمة العدلية وسكينة حسن لغاية قرار الاذاعة بعدم اذاعة القرآن بصوت سيدات..
الكتاب كتب مقدمته الشيخ الشعراوي رحمة الله عليه واثني علي مجهود السعدني في التعريف بعظماء دولة التلاوة في مصر واللي كانوا مقدرين في العالم كله ومازلنا بنستمتع بتلاوتهم من اذاعة القرآن الكريم..
كتاب جميل واسلوب السعدني كالعادة رائع