ŷ������

مبدئيًا الريفيو ده هيبقي صادم لناس كتير ..

بس أحنا طبعًا مُتفقين أن لولا إختلاف الأراء لبارت السلع ..

الواحد برضه يقول اللي ليه و اللي عليه كان فيه شوية نظريات في الكتاب تستحق الأحترام و كويسة و فعلًا أبهرتني..

بس أنا عندش شوية مشاكل مع الكتاب

أول مشكلة : لما إشتريت الكتاب أنا كنت متصور أن الكتاب عبارة عن سيرة ذاتيه بيعرض فيها الدكتور رحلته بين الشك و الإيمان

فلما مالقيتش الموضوع ده بصراحة إكتئبت بس ماحاولتش أني أخلي ده يأثر عليا و كملت قرأءة الكتاب

تاني مشكلة : التكرار الشديد اللي موجود في الكتاب ده و بين كتاب "حوار مع صديقي الملحد " .. و تذكرت كلمة كان قالهالي أحد أصدقائي الأعزاء أن مصطفي محمود في بعض الكتب الأخيرة ليه تحسها كلها كتاب واحد

ثالث مشكلة : أن كان فيه كلام كتير أوي و حشو حاسس أن كان من الممكن حذفه .. بعض المقاطع فيها رغي كتير يعني .. يمكن ده إحساسي أنا و ده مش حقيقي بس أنا بعرض وجهة نظري

التقييم النهائي نجمتين و نص مش أكتر من كدة