ŷ������

اعترافات خارجة عن الحياء ...رواية للكاتب الياباني
جزنيشيرو تانيزاكي وهو يعتبر واحد من أشهر الكتاب اليابانيين في الأدب الياباني المعاصر..

الرواية بتتكلم عن زوج يبلغ من العمر ٥٦ عاماً ،يكبر زوجته بعشر سنوات تقريباً ويحاول جاهداً إشباع رغبتها الجنسية المفرطة علي الرغم من مرضه وتقدمه في السن...
يبدأ في كتابة مذكراته و يعبر فيها عما بداخله و يكتب بجرأة عن تفاصيل لعلاقتهم الجنسية..

الرواية كلها عبارة عن مذكرات للزوج والزوجة أيضاً،يكتبها كل منهما خلسة عن الأخر ويتمنى كل واحد فيهم أن يقرأ الآخر مذكراته ليتمكن من إيصال ما لا يستطيع قوله مباشرة أمامه...

الرواية تتناول الصراعات النفسية بين الزوجين وإزاي ممكن تكون علاقتهم متأزمة وجافة لدرجة إنهم مش قادرين يصارحوا بعض بمشاكلهم اللي ممكن تتحل بسهولة لو بس اتكلموا مع بعض..

الرواية جريئة وغريبة حبتين..النهاية غير مقنعة و علاقة الزوجين مش طبيعية لدرجة ان القصة كلها مدخليتش دماغي و مظنش يعني إن في كدة علي أرض الواقع ،هو ممكن أكيد بس حتكون علاقة نادرة وشاذة...

رواية مش منطقية أوي ...الترجمة كمان مش أحسن حاجة ولكن في النهاية هي رواية حجمها مش كبير ،متوسطة المستوي وتصلح كفاصل غريب بين الكتب الكبيرة:)