ŷ������

صرع .. اسم الرواية كان سبب في اني أقراها ظنا مني انها رواية انسانية ف المقام الاول .. تتحدث عن آلام ومعاناة مرضي الصرع المستمرة ومحاولة علاجهم .. توقعت قبل القراءة ان الجزء المتعلق بالخيال العلمي هايكون ف علاج الصرع مش ف سبب الاصابة ..
لازم انوهه اولا اني مش من قراء "رجل المستحيل" .. بصفة عامة الرواية ممتعة رغم انها عبارة عن مجموعة من الاكلشيهات .. بداية برجل الاعمال اللي لازم يا يكون هو مريض يا بنته مريضه ولازم برضه يعرض نص ثروته لعلاجها .. مرورا بظباط الشرطة والطريقة المتخيلة اللي بيتعاملوا بيها واللي مالهاش اي اساس ف الواقع .. بالاضافة للفضائيين والعائدين من المستقبل .. والعالم اللي لازم يكون بيدخن الغليون !!
نص الرواية تقريبا رايح ف "وقد قام د.احمد بتنظيف غليونه" "وقد قام د.احمد باستئذان د.محمد لاشعال غليونه" "وقد قام د.أحمد بحشو غليونه" الخ الخ وكأن الرواية عن الغليون نفسه

بمناسبة الاسماء .. انا احتارت .. اما يتم اختيار اسماء مستفزة ف افتعالها "زي ما عمل د.احمد خالد توفيق في السنجة" او يبقي اسم البطلين "احمد ومحمد" .. نص الاحداث مش عارف مين بيكلم مين من فرط ان الاسميين متداوليين

بغض النظر يعني .. رواية متوسطة .. استمتعت الي حد ما بقرائتها
تصميم غلاف الرواية شديد الرووعة .. عجبني جدا