ŷ������

تاريخ فلسطين و سورية جزء لا يتجزأ من تاريخ الاديان بالعالم ...
أرام دمشق و اسرائيل : كتاب بيطرح موضوع حساس جدا .... كتاب مهم و ممتع كتير كتبو فراس السواح ب 1995 نتيجة لمعلومات و نظريات اركيولوجية جديدة تم طرحها بهداك الوقت و قام بايردها و الرد عليها ... بيحكي عن نشأة اليهود و المملكة اليهودية و بيبلش اول شي بال رواية اللي بترويها الاسفار التوراتية متل سفر التكوين... الخروج ... يشوع و القضاة ... الملوك .... و بعد رصد كل سفر بيعمل نقد نصي و تاريخي الها و يبين الايولوجية المحكمومة بها التوراة و اختلاط البحث التوراتي بالبحث التاريخي و سيطرة الاول على الثاني .... بيوضح كتير من الفجوات التاريخية و التناقض بين سفر و اخر من بينها و اختلافها كليا عن اسفار الانبياء كأشيعا و غيره .... بالاضافة الى الحكايات المشابهة للملاحم و الاساطير الكنعانية الفلسطينية و الفينيقية ... بعدين بيطرح عدة نظريات و منها نظريتو اللي بيرجحها استنادا على المعلومات و الوثائق التاريخية و بيربطها بالجو المحيط و خاصة الممالك السورية و ابرزها ارام دمشق اللي ركز ع دورها كتير نظرا لانو جزء كبير من الممالك الفلسطينية كانت واقعة تحت النفوذ الدمشقي لعدة فترات زمنية .... وما بتوضح الصورة بدون الحكي عن بقية القوى المؤثرة في المنطقة ك الفراعنة �� الاشوريين - الحاتيين ... واحداث الحرب والسلم و الهجرات و الثقافة السائدة و اللغات و الاثنيات ... أشكال النظم الدينية و السياسية و تقلباتها .. التجارة و الزراعة و الرعي و المناخ بهديك الفترة ... كتاب متعوب عليه و يستحق القراءة جدا بس هالشي ما بيمنع انو في في نقطة او اكتر بختلف مع الكاتب فيون رغم اني غير متخصصة بالتاريخ

و بالنهاية هالكتاب بينقرأ بيوم او يومين بس طولت فيه لاني صرت لخص رؤوس اقلام ... فتفاجئت انو طلع معي اكتر من 10 صفحات من النقط و الكلمات .... من الصعب اني حطها كلها هون ... ��