ŷ������

مذهل ثم واقعي ثم رائع ..
الرواية دي هي الرواية المظلومة لعز الدين شكري .. فيها كمية أحداث واقعية و مترابطة و شديدة الحرفية ، تقريبا لم أقرأ رواية بهذا العمق في الجانب ده من الصراع و أحداث الجماعات الإسلامية و حياة الجهاز الأمني المصري و الترابط الخارجي للجماعات و تمويلها .. هتعيش في الرواية دي في قلب الأحداث تماما و تقريبا هتشوف كل حتة زارها فخر الدين .. اللي هو أبو عمر المصري .. هتشوف السودان و قلب الصحرا و النيل هناك و ببساطه هتنتقل لفرنسا بشوارعها بحكاويها الأصلية " مش بس بتاعت الأفلام و الحلم الباريسي " .. هتشوف باكستان و أفغانستان و التنظيمات هناك

ملاحظات بسيطة : الفصل السادس كان فيه بعض التفسيرات النفسية الناقصه أو سرعة الرتم فيه لكن عجبني تفصيلة القائد العسكري و هو بيواجه نهايته " نفسيا صحيحه 100 % " .. معجبنيش سرعة رتم الأحداث في القتل و السهولة اللي فيها

ملاحظة تانيه : الرواية دي تعتبر نهاية سلسلة متعلقة ببعض و هما مقتل فخر الدين .. غرفة العناية المركزة .. و دي آخرهم
مع العلم أن كل رواية لو تمت قرأتها لوحدها هتبقى منفصلة .. لكن هتعطي عمق أكبر و مساحة أكبر للأحداث

الرواية تقييمها من 4.5 إلى 5

رواية هتحتاج تقراها جدا لو مهتم بقرأة رواية بتتناول جزء كبير من الحياة الواقعية لجماعات الجهاد



الرواية دي لازم تتقري تاني و تالت و رابع خصوصا في وقتنا ده بعد ما ظهرت الجماعات الجهادية في مقدمةالصورة
الرواية دي اتظلمت جدا فعلبا