ŷ������

من الحاجات اللي بحبها ف منى سلامة كون قصصها بتبدا بالكلام عن كذا بطل بسلسلة أحداث مختلفة كأنك بتقرا قصتين مختلفتين
وقرب النهاية تتقاطع طرق الابطال كلهم ف قصة واحدة
و أول حاجة جت ف بالي أنه اد ايه هتكون حاجة مثيرة و شيقة لو كاتب زيها يكتب كتاب أو مقال أو حتى بوست عن إزاي كتب الكتاب ده و ايه موضع الهامه و إزاي فكر ف ربط الشخصيات و امتى ربطهم و ازاي تسلسل الأحداث مشي معاه
اعتقد هتكون حاجة حلوة جدا
فكرة ال plot twist اللي بتخرجك من اتجاه ل اتجاه تاني خالص رائعة
حبيت دي جدآ جدآ جدآ كوني ما قدرتش اخمن النهاية ف اي نقطة بقت نادرة الروايات اللي صعب تخمين نهايتها
و فكرة أن رواية ممتعة لكن ف نفس الوقت بتناقش و تتعرض لفكرة فلسفية مواكبة لمشكلات و قضايا اللحظة اللي صدرت فيها الرواية
غير فكرة ربط الروايات الجديدة بالقديمة
اتوقع بناء على حقيقة أن تم ذكر تلميح للرواية دي و رواية عناق من ورق من قبلها في كتاب جثة في بيت طائر الدودو أن الواحد يتوقع بقية البلدان اللي ذكرت ف الكتاب يصدر عليها كتب جديدة ف المستقبل أن شاء الله ❤️