ŷ������

مذكرات صائم .. احمد بهجت .
اولا انا معايا الطبعة التانية من الكتاب وغلافها عاجبنى جدا .. الغلاف بيعبر ببساطة شديدة عن محتوى الكتاب وعن الكلام اللى الكاتب عايز يقوله . عبارة عن صورة راجل ماسك سبحة وعلى وشه نظرة كسل وتبرم ..

الكتاب نفسه ساخر بيحكى خواطر صائم كسول يتقلب بين ارادة ضعيفة بتطلب منه انه ويستغل شهر رمضان فى الطاعات وكسل بيمنعه من كده.

الجزء الاول من الكتاب ساخر جدا .. موظف بيتكلم عن حياته اليومية فى رمضان .. والجزء التانى بيتكلم عن خواطر ايمانية بتنتاب البطل فى شهر رمضان ...فى الجزء التانى ده صراحة كبيرة من الكاتب .. بيتكلم فيه عن ذنوبه بصراحة وجرأه تثير الاعجاب.. فالكاتب لا يخجل من التصريح بأنه منافق وانه يخشى الناس اكتر من خشيته لربنا .. وحاجات زى دى تانية ..

الكاتب بيقول فى الفصل ده : "انهى عن ارتكاب الذنوب وترابها عالق بثيابى , اصوم تقليدا ولا اصلى , امسك المسبحة ولا اسبح.. انطفأ داخلى شئ .. هل هو الحماس او الايمان .. "

عجبنى اوى الجزء اللى بيحاور فيه ابليس الحوار الوهمى ده ..
يلوم الكاتب ابليس بانه السبب ان ربنا اخرجنا من الجنة فيرد عليه ابليس بانه الانسان هو السبب ان ربنا طرده_ابليس مش الانسان_ من رحمته .. والطرد من الجنة اهون من الطرد من رحمة الله.

الكتاب كان معايا من اول رمضان لكن _لانى مقرأتش حاجة قبل كده لاحمد بهجت_ فضلت انى اركنه للاخر بعد ما اخلص الحاجات اللى انا متأخر فيها الاول.

كتاب رائع ويستحق القراءة ..