ŷ������

** spoiler alert ** محبتش الرواية خالص لا.
حقيقي كُتّاب كتير رجال بيستسهلوا إنهم يكتبوا علي لسان امرأة، والموضوع حقيقي صعب. يمكن رجالة تصدقه، بس نساء؟ صعب جدا.
طول الرواية وأنا حاسة بحيطان بيني وبين البطلة، مش مصدقاها، مشاعرها مفتعلة، ومش متماشية حتي مع مشاعر النساء عامة تقريبا ف كل مواقف الرواية وتسلسلها، ولا حتي تسلسل أفكارها.
الحكاية نفسها ملهاش معني، الرواية بايخة، دمها تقيل، الأحداث حقيقي عبثية، مش مميزة خالص، ومش هنكر إني أحبطت عشان كنت بحب الكاتب وبحب أعماله، ف كنت متخيلة الرواية أحسن من كده بكتير.
النهاية في منتهى البواخة، وبجد مش فاهمة ايه الرواية اللي كله بيتخانق عليها كإن شكسبير اللي كتبها بجد؟!😂
أتمنى الأعمال الجديدة للكاتب تبقي أحلي من كده.