ŷ������

قرأت قبل الرواية دي صديقي السيكوباتي وعجبتني جدا وقررت ابتدي في الرواية لان البطل علي اسمي "الياس" 😂
الرواية مختلفة عن اي حاجة قرأتها لميرنا المهدي الرواية قوية لغتها متعوب عليها بشدة وواضح تطور الكاتبة جدا في الالفاظ والتشبيهات ��
تدور احداث الرواية في سياق بوليسي عن بطلنا الياس وهو عضو في المقاومة العربية الفلسطينية ونغوص في تفاصيل المقاومة وعملياتهم ولكن هل هيقدر اليأس وأصدقاءنا العرب في الرواية الانتصار والتأثير علي الكيان الصهيوني ؟

خليني اقول وبكل ثقة اني اتغفلت ايوة انا كل دة بعد ما خلصت ٣٠٠ وشوية صفحة جت بلوت تويست جابتلي صداع خلتني اقفل الرواية واقول ازاي ؟
بعد ما فوقت من الصدمة اتصدمت بصدمة اكبر يعني ازاي دي هيا دي ولا دي هيا دي ؟
مش عايز احرق بس فعلا الرواية في اخر كام صفحة كفيلة تصدمك كمية صدمات مش طبيعية ولكن الصدمة الاكبر هيا علي مدار ال ٤٠٠ صفحة وشوية وهيا الواقع المأسوي لاهلنا في فلسطين وفي الحقيقة أسوء بمراحل كمان من الرواية هنعيش مع الرواية كل المشاعر كره وغضب وفرحة وحزن مع كل واحد بيستشهد بتكره اكتر واكتر الكيان الصيهوني المعتد اكتر ما احنا بنكرهم.
مزج احداث حقيقية وخطابات رسمية بتواريخ وتمثيل حقيقة المواقف ساعتها علي ارض الواقع في رواية ودمج بين الخيال والحقيقة حاجة مش سهلة ولكن ميرنا قدرت تقدم ده وبنجاح والنهاية خير دليل علي ان لو اتبقي شخص واحد بس هيدافع بنفسو وهيقدم كل عيلتو فداء رمال وزيتون وليمون ورمان فلسطين ❤️
عاشت فلسطين حره أبية عربية فلسطين 🇵🇸❤️