ŷ������

كنت اتمنى اكون فى ظروف ذهنية غير اللى انا فيها علشان مكملش الرواية دى
رواية غير منطقية بالمرة مملة جدا فشل الكاتب فى تعدد ابطال الرواية و مع كل بطل جديد كان بياخدنى لتفاصيل مملة اكتر و غير مفيدة لسياق الرواية ولا تضيف جديد للاطار العام
ده غير طبعا الانسة ورد اللى فضلت واقفة على رجليها و مفتحه عنيها حوالى اسبوع و عادت ليها الحياة من قبله الامير ضاربا بعرض الحائظ كل قوانين الجسد البشرى اللى ازاى هيفضل واقف اسبوع كامل من غير تغذية وهو جنبه دكتور امشير اللى مفكرش يديها 500 سنتى متر مكعب جلوكوز ولا يحطلها اى دموع صناعيه بدل ما تتقرح عنيها غير قبلة الحياة اللى انتهت بنهاية قصة سندريلا !
طالب نهائى طب اللى ساب مذاكرته و مراجعة الجراحة و اخدها كعب داير يدور على حسن ولما لقاه قاتل محترف قرر يشترك معاه فى جريمة قتل علشان بس يرجع لورد , ادينى عقلك
مشهد النهاية الفاشل تماما السينمائى اوى كل الابطال مستيين على المحطة بيعملوا ايه معرفش
ولما طالب الطب فى النهاية قرر يضيع تعبه طول فترة البحث و بعترف لورد انه قاتل علشان تسيبه !
رواية مملة و مستفزة لكن ضيعت لىّ ساعات لا باس بها واستغرقت من طاقتى النفسيه لتحملها فاشكرها على كده