ŷ������

* فى البداية فخور بالرواية وبكاتبها رغم إنى معرفهاش خالص بس يكفى إن البى تى بيطلع منهم مواهب ,, حمداً لله :)

* الرواية فيها نقد كويس للواقع اللى عايشينه ونقد للعاهات والتقاليد المجتمعية بتاعتنا ,, ومن أكثر المشاهد اللى لفتت نظرى وعجبنى فيها فلسفة الكاتبة مشهد طفل الشوارع وفلسفة التمسك باول شخص فى الأزمات بالإضافة لرأيها فى الفيس بوك ومواقع التواصل الاجتماعى وشبكة العنكبوت ... وعجبنى تعقيبها على حالة الذاكرة وتخبطها .. وكان نفسى اسم الرواية يبقى
" متلازمة العشرين "

* أول رواية للكاتب يضع فيها جزءاً كبيراً منه , وده وضح ليا فى مريم بطلة الرواية وإنها دكتورة برضو

* الريفيو بتاعى بقى وهيبقى صادم شوية عشان الموهبة لا نفاق ولا مجاملة فيها وهو نقد موضوعى أتمنى من الكاتبة أن يتسع صدرها له ..

* الرواية فى أحداثها مملة ومحستش فيها بتشويق خالص , للكاتبة فلسفة عجبتنى ولكن أسلوبها ضعيف ومحتاج يكون فيه شغل أكتر من كده على الأسلوب ..

* ثانياً أعيب على الكاتبة عدم إلمامها بقواعد النحو وهو غير جائز من وجهة نظرى لمشروع كاتب جيد وأعيب أكثر وجود عبارة فى أول الرواية مكتوب فيها " تدقيق لغوى " فلان الفلانى هو فين الشخص اللى عمل التدقيق اللغوى ؟؟ .. وهعرض مواضع لأماكن أخطاء نحوية بعد التصحيح أتمنى تلتفت الكاتبة ليه .. والقادم هيكون شبه حصص النحو المملة انا عارف ...

* كونك صغيراً يجعل الآخرين يخافون عليك, " يمنحونك " من الحب ...
عشان الفعل يفضل مرفوع بعلامة تثبيت النون

* سيتغير الأمر وأقول مثلها أم كنتُ سأظل على " عنادى "
مش متأكد منها الحقيقة بس على حد علمى المصدر عناد
زى التصحيح كده مش عِنْد

* لأنها ذكرى من أبيها لوالدتها , ذكرى لم " يرها " هو
عند الجزم بعلامة السكون يحذف ألف يراها

* " استمررتُ " كذلك لفترة كنتُ أسأل والدى .. وفى موضع
آخر " استمررتُ " لمدة طويلة أستيقظ مع والدىّ
استمررتُ هى الأصح عشان استمررت من الاستمرار ,, لكن استمريت اللى استخدمتها الكاتبة من الاستمراء

* ربما أهديه " أحداً " كما أهدانى أبى إلى والدتى
المفعول به بيبقى منصوب بعلامة الفتحة فالتنوين هنا مطلوب
كذلك فى كلمات كتير فى الرواية بعد كلمة " كونك " وكتير من
الكلمات المنصوبة مش موضوع بعدها تنوين بالفتحة وهو ضرورى فى رأيى

* هما دائماً " يستيقظان " لصلاة الفجر
عشان الفعل هيبقى مرفوع وعلامة رفعه ثبوت النون

* الاحتلال لا يسلبُ " شعباً واحداً "
مفعول به منصوب .. والنعت منصوب برضو

* " وتكونُ " بذلك قد ارتحت وأنزلت أثقالك عن كاهلك
فعل مضارع مرفوع

* كان حديثُ أبى هذه المرة " مختلفاً "
خبر كان منصوب وعلامة نصبه الفتحة

* عددٌ لا يستهان به من الرسائل بينهم
" رسالتان فقط مختلفتان "
رسالتان اعرابها مبتدأ مؤخر مرفوع وعلامة رفعه الألف و مختلفتان هيبقى النعت بتاعها بنفس علامة الرفع

* عزيزتى كل عام " وانتِ " بخير اليوم أتممتى العشرين هل " تتذكرين " ما كنتِ ...
كلمات زى " أنتِ " مش بتتكتب بالياء , وتتذكرين مرفوع بثبوت النون مش بحذفها ...

* استغرق الطريق على ما أتذكر " خمس " عشرة دقيقة
عشان الصح " خمس " مش خمسة زى المكتوب فى الرواية

* وننسى أن هناك " حساباً " آخر يوم القيامة
علشان حساب هنا هتبقى اسم أن منصوب

* بدأت " عينا " رؤى تمتلئ بالدموع وكأن بداخلها " بركاناً خامداً "
الأولى عشان عينا فاعل وهيبقى مرفوع وعلامة رفعه الألف ومحذوف منه طبعاً النون عشان الإضافة ,, والثانية عشان اسم كأنَّ منصوب ..

* هنا علت ضحكاتنا واستعدتُ أنا " هدوءاً نسبياً "
مفعول به وبعده نعت ..

* وانه قريباً لن تجد مكاناً لتضع " قدميك " على الأرض
قدميك هتبقى مفعول وعلامة النصب هتبقى الياء عشان مثنى

* شعرتُ أننى من " المغيبين " كم أن هذا شعورٌ سخيف
المغيبين هيبقى اسم مجرور وعلامة جره الياء

* لكنى أشعر أنى أحمل " ذنباً " لكل من هؤلاء , ولكن تعجبنى فكرة أن أقتحم " عالماً " آخر
ذنباً هيبقى مفعول به منصوب وكذلك عالماً