ŷ������

أجيبها على ضمانتك
تعرفي لو طلعت كده ولا كده
حاجى أخد منك تمنها :))

أية على ضمانتي , بس الفكرة إن الشروق في الطبعة السابعة كانوا بيبعوها ب 20 جنيه , أنا اشتريتها الطبعة الثامنة ب 30

شوفي إنتي بقى الطبعة اللي بعد كده :)


عندي اقتراح.. ممكن أسلفهالك
إنتي منين؟

على خيره الله انا بقيت مدمنه سلف خلاص
مستلفه كتب من طوب الارض
:))
من اسكندريه على فكره
طب بصى بغض النظر عن نظرتى الماديه الدنيئه للامور (رغم انها موجوده فعليا يعنى )
تستاهل الوقت ولا لأ

يوووووه , تستاهل و حياتك بجد

:)

و لو ع السلف , ما الأسعار هي السبب

نبطل قراءة يعني و ال 3 % اللي بيقروا يتقلصوا؟؟

:D

أنا يا قطة ماليش منافذ على أليكس, بس عندك القاهرة - منصورة- بورسعيد

و لعلمك ليا كتب في طنطا و الفيوم بس المهم نقاط الالتقاء تكون واحدة من ال 3 السابق ذكرهم

و اصلا لا أحد ينام دي , في طنطا

:D

لسه مرجعتش

مممممممم
اما ترجع بالسلامه من طنطا حلاقى الى يجى ياخدها منك من اى حته فمصر ماتقلقيش
انا منافذى على 23 محافظه
مافلتتش منى غير سينا (الشماله والجنوبيه )و الوادى الجديد ومطروح
:)))

:D

خلاص متفقيــن و حتى أبقى فتحت فرع جديد في محافظة عزيزة علينا كلنا

:))

طب يا فدوى مانا عندى الرواية اصلا و حتى لسة ماقرتهاش
:D

بجد
طب خلاص
تشكرى يا تسنيم
عندنا روايه لسا طازه
خلاص حاخدها منك
بعد ما أخلص امتحان
اكون خلصت على قمر على سمرقند
والز��ير
و ذلك فى يوم 16 ابريل
نفس ذان يوم حفله ظافر يوسف فى مكتبه أسكندريه
80% ححضرها
مروه احنا حد باصص فى لقاء القمه الى حعقدوا انا وانتى عشان كده ما بيكملش
:))

وماتقلقيش يا تسنيم
طول ما انا موجوده حتفتحى الفرع المنتظر فى الاسكندريه

looooooooool
لاو الله
و اروح انا لوحدى برضه
:D :)

مممممممم
أحم
لا انا كده ماحضرتش ولا حفله الشهر ده اللهم حفله محمد سواح ومش من اولها
انا كده ممكن يجرى لى حاجه
لا لا حروح بس انتى ادعى لى

صباح الفل...لا طبعا ابراهيم عب مجيد لا يعلى عليه، الرواية دى أول حاجة أقرأهاله برضه، بس بعد كده توالت الأعمال، "برج العذراء- و دى مطبوعة فى لبنان لأنها خادشة للحياء العام:)-، مجموعة سفن قديمة، غواية اسكندرية، بيت الياسمين، الصياد و اليمام، البلدة الأخرى، و أجملهم على الإطلاق- ده فى نظرى طبعا- طيور العنبر و ددى جزء من ثلاثية أولها لا أحد يننام و التالت لسه ما نزلش

يعني لا أحد ينام يسبق طيور العنبر في الثلاثية؟

أنا فعلا عندي طيور العنبر بس لسه مقرأتهاش

فلو كده قولي.. عشان مش عارفة هبدأ في رواية إيه بكرة و أنا مسافرة.. و محتارة

:D

كنت عايزة أبدأ ثلاثية نجيب, و بعدين أطياف رضوى تناديني, و قرية ظالمة بتستجير مني

:)

فهـــا ...؟

طيور العنبر جزء تاني من الثلاثية؟

أيون...طيور العنبر جزء تانى من الثلاثية
هتلحقى تخلصيها رايح جاى؟

أديني مقريتش حاجة خالص

و لا حتى تخلصت من بحيرة المساء لأصلان :\


إنت رديت متأخر فأنا مخدتش روايات معايا و أنا مسافرة.. خدت بحيرة المساء و مخلصتهااااش