ناس كافيه
discussion
مقتطفات راقت لى من "ناس كافيه " للمبدع عمرو حسن
date
newest »
newest »
bgd ktab gamel gdn ana 2ol mara 2ara book bsra7a elklam shdny gdn :D
فعلا من الكتب الجميلة ذات الاسلوب السهل البسيط شعر عامى واصل لكل الفئات العمرية
واختياراته لأفكاره وكلماته قمة ف الروعة فعلا :)
all discussions on this book
|
post a new topic
اكتر واحد بيخش الحمام فى الكافيهات
مش حب فى شكلى لاسمح الله ابدا بالعكس
انا بس بدور على نفسى فى حضن المرايات
____
احلى صداقة تقوم فى الدنيا
من غير عقد البنى ادمين
بين عيل لسة فـ سنة تانية
ومابين راجل فى التمانين
الاتنين اطفال من جوه
والاتنين بالروح عايشين والاتنين مش ممكن تعرف
مين فيهم بيعلم مين
____
لو عاوز شىء بشدة
اياك تطلق سراحه
فيه حاجات ياما بغبائنا
قولنا نسيبهم فراحو
____
لو عاوز شىء بشدة
اعمل حواليه قوسين
خلى عيونك تحاوطه
لو حتى يروح لفين
خليك فاهم ياصاحبى
الحلو بيجى مرة
ومافيش فى الدنيا فرصة
تتكرر مرتين
___
الحاجة الثابتة اللى تشوفها
اوعى تشوفها بعينك بس
شوفها بقلبك مرة الأول
فيه حاجات ماتبانش وتتحس
___
تحياتى لأفضالك ياعالم كله متحول
عشان خلتنى فـ الاخر أحسن بنعمة الأول
____
كان نفسى اكون الشاى فـ ايدين من السكر
او ابرة انسولين صاحبت مريض سكر
كان نفسى اكون مترو بالخلق متحاصر
كان نفسى اكون راديو فى خطاب لـ "عبناصر "
___-
كان نفسى اكون لحية تهدى وماتكفرش
كان نفسى اكون معجزة تحصل ماتتكررش
كان نفسى شهيد بعد الوفاه بيعيش
كان نفسى احب بجد ومشاعرى ماتخونيش
او نفسى اكون ثورة والناس مايكرهونيش
___
فيه ناس تانية بيقضوا معاك ثانية بثانية
واما بتحتاجهم فى حياتك مابيتصلوش !!
___
رمضان كان نيللى وشريهان
والشعرواى فى ايده القرآن
كان صوت المدفع وقت ادان
___
صديقى / الحزن
انا عارف انك حد طيب
بس لو ممكن غلاسة من صديقك
لو مشيت مرة فى طريقك
شفتنى موجوع بعانى
سيبنى احل مشاكلى احسن
وانت صاحب حد تانى
___
لو كنتى استنيتى شوية
كان يمكن نتجوز
ونجيب اطفال سذج تشبهنا
ونقضى السهرة بنتفرج على فيلم قديم
وننام بنفكر فى حياتنا
فتقولى لنفسك / لو كان بيخونى كانت مناديله هتعرق روج
فأضحك وانا نايم وافرد لك ايدى
فتنامى ببطء وتحط اديكى فى ايدى
___
ياا
الواحد دلوقتى بيضحك على كل مافات
وبيتذكر اصحاب عمره وبيبكى ساعات
كل الحكايات اللى عملناها زمان ماتت
وانا هو عايش
لا
كل الحكايات اللى عملناها زمان عاشت
والواحد مات
___
فيه حاجات بالقرب بتبوش
ماعرفش منين وازاى
زى البارفان فى الحوش
زى البسكوت فـ الشاى
___
اياك تسأل عن حاجة
طول مابتستمتع بيها
خليك مبسوط احسنلك
وان شوفت عيونها داريها
____
فيه حاجات لما بتخنقها
بتسيب حلاوتها تفوت
ده الهوا لو شيلته فى حقنة
وحقنتك بيه هاتموت
___
انا تذكرتى مش لايقة على قطرك
ولاقلمى عرف ينزل على سطرك
انا غلطان عشان من الاول اخترتك
___
الواحد كده من الاخر ضيف
فمافيش داعى نمثل على بعض
ان انتوا جميعا ناس حلوين
وانا بس المذنب فيكم
بالصلاه ع النبى كلكوا بلالين
والنفخ بيستر بلاويكم
ولذلك مش هاديكوا وجود
ولاهاكتب للناس اساميكم
___
احب دينا الوديدى والشقا والشاى
واحب عبد الله حلمى لما يعزف ناى
واحب صوت الملك بيقول لمصر ازاى
واحب يوسف زيدان لما كتب عزرائيل
واحب صوت الست ف مركبه ع النيل
واحب سيرة الحب ومسكة المنديل
واحب مصر القديمة والحسين بالذات
واحب اركب غلط عربية البنات
واحب احبك يااجمل مااتخلق فـ بنات
___
احب كارم وسيد
واحب عم صلاح
واحب اعامل واجامل فى الافراح
واحب نور ربنا يدخلنى كل صباح
___
احب م الالوان كل اللى كان غامق
واحب من الاكلات كل اللى كان حادق
واحب م الحلفان كل اللى كان صادق
واحب اقابل وافارق وابكى وابقى سعيد
__
واحب اشجع فريقى مهما كان مغلوب
احب كونى عصيت املا فى كونى اتوب
واحب اصلح حاجة فى شخص كله عيوب
____
واحب لو " ذكرى " غنت فى ليل بهتان
واحب صوت رفعت فى سورة الانسان
واحب كلمة مصر
ترج فى كل ميدان
___
واحب خيرت بيرسم مصر فى بيانو
واحب صوت درويش وباحب ادمانه
واغفر له برضه جنانه لما كان بيسب
احب أأزاز فـ ليلك وارمى قشر اللب
بحب جدا ويكفى انى لسه بحب
___