إيمان⚘️ is on page 101 of 272 of مكتبة ساحة الأعشاب: احتجت إلى وقت طويل لأتعلم العيش في الحاضر، ومع ذلك فلا وجود لزمن نعيشه غير الحاضر... الماضي قد ذهب، والمستقبل، ليس هنا بعد، إذا كنا لا نعيش الحاضر، فإننا لا نعيش سوى ذكرياتنا وانتظاراتنا، تتهددُنا الكآبة والإحباط.

"مسحوق الهمس أحسن قصة فيهم .. غير كدة فى حاجات كتير مالهاش لازمة "

"شئ مُزعج جدا بنسبالي اني اقيم مجموعه قصصيه علي بعضها كلها علي رغم من تفاوت قوه القصص فيها .. طول ما انا بقرأ و انا ناويه اديها نجمه واحده لانها بصراحه مُربكه مش عارفه هما عاجبني و لا لا وعشان الحاله اللي انا عشتها فقصه "العمليه الكبري" قررت اخليهم نجمتين احب اتناول كل قصه علي حدي عشان زي ما قولت بيتفاوتوا فالقوه
مبدأيا انا مش من الناس اللي عندها مشكله مع القصص اللي بتعرض مشاكل زوجيه او جنسيه زي الخيانه الزوجيه او كده انا عندي مُشكله بربط اي شعور انساني بكونه جنسي .. في مشاعر ارقي و اكثراحترام عن كده يبقي النقطه العامه المستفزه اللي نزلت الrate ان اي شعورانساني بيوصل فالاخر لنقطه انه بغرض جنسي و ده شئ حيواني جدا
1)النداهه : انا عندي مشاكل كتيره مع القصه دي زي اني مش لقيه مُبرر واضح و صريح لوقوع الزوجه فالرذيله زي الفلوس مثلا مش عارفه هل ده ليه علاقه بنظريات فرويد ان كل انسان ليه لحظه ضعف ؟؟ بس بردو مكنش فيه دافع
2)مسحوق الهمس:القصه دي بتوضح ادب السجون بشكل جميل جداا رغبه الانسان فالتعامل مع بشر فطري وده اتوضح بطريقه حلوه انا حسيت فعلا اني مسجونه و منخوقه بس بردو دوافع جنسيه غيرت الموضوع لاتجاه تاني تماما
3)ما خفي اعظم:ازدواجيه تفكير الرجاله مُجسده هنا حلوه جدا بس حسيت ان النهايه كان مقصود منها بعد تاني انا موصليش زي ان مثلا ان الانسان بيعمل افعال كتيره جدا بدافع الفضول و اول ما يحصل عليها بتفقد لمعانها .. زي ان مثلا الممنوع مرغوب ؟؟
4)المرتبه المقعره : شي اقرب لنوادر جحا و انا مفهتمهاش اوي الامانه
5)معجزه العصر:وصلنا للسذاجه بجد قصه سخيفه جدا رمزيه جدا و حتي الرموز موصلتش بطريقه مباشره شئ خيالي ملئ بالمبالغات الغير مُبرره فوجهه نظري
6)النقطه:قصه متوسطه يغيب عنها معظم عناصر القصه القصيره لكنها معقوله
7)العمليه الكبري: دي بقي اربكتني جداا لدرجه اني قرأتها مرتين انا ما بين شعورين شعور مشمئز جداا مضايق جدا من الوصف الدموي لدرجه اني حسيت بالعلامات الدم علي وشي فعلا وصف مؤلم اووي و بين ان الالم ده اشتق منه شعور تاني اني جربت اعمل عمليه و انا مفتحه جسدت انا فيها الدكتور و المريض و الممرضه اللي افسد القصه كلها وجود البعد الجنسي بردو بشكل فوجهه نظري غير مُبرر و زود اشمئزازي جدا
8)دستور يا سيده: مش هقول دي اسوء قصه فالمجموعه انا هقول دي اسوء قصه قرأتها فحياتي بجد جسمي كله قشعر "اكتر من الدم و الله" خلط شعور الام بالانثي و الابن بالعلاقه الجنسيه مشمئز جدا مقرف جدا شتان بين العلاقه بين الام و ابنها الطاهره النقيه جدااااا اللي ربنا كرمها و العلاقه الجنسيه اللي قايمه علي المتعه لا يقارن المتعه بالتضحيه تقريبا بجد
"