ŷ������

“السبكي: أنا عاوز أفهم أنت بتضحك على إيه دلوقت ..
أحمد : بضحك على نفسي.. لأني عشت طول عمري أفرح و أزعل و أغضب و أثور و أتجنن و الآخر بموت و أنا مش فاهم حاجة .. مش فاهم ليه كنت باتشنج كدة و على إيه .. كله حايبقى بسوا الأرض كمان يوم و لا اتنين .. كان إيه لازمه الزعل دة كله .. أما كنت مغفل..”
― مصطفى محمود, الزلزال

“تعرف انجلترا منحت نيشان الشجاعه فى الحرب لمين ..لا أبدا.. مش للمرشال مونتجومرى.. منحته للكباريه الوحيد اللى استمر فاتح يقول نكت ومونولوجات طول شهور ضرب لندن بالقنابل”
― مصطفى محمود, الزلزال

“أحمد : مفيش حد عارف الحقيقة .. يبقى أعيش في الوهم أحسن .. حتى الوهم مش لاقيه .. مفيش حد بيهنينى عليه .. كل ما أخلق لنفسي وهم ألاقي اللي يصحيني منه و يقول لى اصحى .. اصحى .. أنت موهوم .. و أنت مالك يا أخي .. ما تسيبني في حالي .. لا ازاي .. إصحي .. إصحي .. أنت موهوم .. طيب فين الحقيقة .. مفيش حقيقة .. أنا تعبت .. عاوز أنام .. عاوز أحلم .. أحلم .. حلم طويل ما أصحاش منه”
― مصطفى محمود, الزلزال

“احمد - يعني الحل الوحيد اللي فاضل لنا ان إحنا نقعد نقول نكت في الساعات اللي باقية على نهاية العالم .. ده الشرف الوحيد اللي فاضل لنا .. ان إحنا نضحك بالرغم من كل شيء ..”
― مصطفى محمود, الزلزال

“نفسي أشوف حياة .. نفسي أشوف حشرة لو حشرة سامة
.. ولو حيوان مفترس .. نفسي واحد عسكري يقبض عليه
نفسي في حرامي يسرقني .. نفسي في قاطع طريق يقطع سكتي .. موت .. موت .. موت”
― مصطفى محمود, الزلزال