ŷ������

“انا كوكب ماشى لوحده
ومفيش للوحده حدود
وهاسيب تليفونى يرن
انا اصلا مش موجود”
― عمر طاهر, قهوة وشيكولاتة

“وازاى هاضحك من قلبى وأنا قلبى واخدها بجد؟”
― عمر طاهر, قهوة وشيكولاتة

“ازاى الخوف وصلنى لدرجة انى ماخافش؟
ياللى فرقتوا الحب أنا قلبى بجد ماخدش”
― عمر طاهر, قهوة وشيكولاتة

“عمال اقع واقوم
انفض فى الهدوم
امشى خطوه كمان
القى الطريق يبان
مش زى ما كان زمان
بالعكس اسهل كتير”
― عمر طاهر, قهوة وشيكولاتة

“الحزن ماله مرة واحدة بيختفى؟
وسايبنى اتعرف لوحدى ع السعادة”
― عمر طاهر, قهوة وشيكولاتة

“تخيل نفسك حلم وبراحتك مانتا حلم التتر اخر حاجة في دنيا أصلا فيلم”
― عمر طاهر, قهوة وشيكولاتة

“الهوا شايل كلام متأجل”
― عمر طاهر, قهوة وشيكولاتة

“عملت نفسى لوح خشب
انا فرصتك ياللا الحقى
طيب ليه مصره تغرقى ؟
نفسى خلاص قرب يضيق
بغرق ومع انى غريق
بامد ايدى اطلعك
بس الغرور بيمنعك
دلوقتى صعب انى انفعك
سبق الفراق روح الفريق”
― عمر طاهر, قهوة وشيكولاتة

“تخيل نفسك باب وافتح لأنك باب علي دنيا أصلا طريق وبينتهي بسرداب”
― عمر طاهر, قهوة وشيكولاتة

“أنا مش عارف أحب الدور
أنا متضايق من نفسى”
― عمر طاهر, قهوة وشيكولاتة

“أنا كل ما بمشى بلاقى
يافطه الوقوف ممنوع”
― عمر طاهر, قهوة وشيكولاتة

“الخوف اللى خلانى اصحى
وافتح عينيا على الاخر
لما شفن فى الحلم اتوبيس جاى عليا بسرعه
هو نفسه الخوف
اللى خلانى اغمض عينيا بهدوء
والاوتوبيس جاى عليا
وانا واقف فى الطريق”
― عمر طاهر, قهوة وشيكولاتة

“كأسك يا صاحبي بيلمع ليه ؟
ده دمي ولا بتشرب أيه ؟”
― عمر طاهر, قهوة وشيكولاتة

“واياك تخون الا اذا
كان امتحانك اللي جاي ف الخيانة”
― عمر طاهر, قهوة وشيكولاتة

“أعرف حاجات تخليني أفرح ساعات، نفس الحاجات ساعات تخليني أحزن.”
― عمر طاهر, قهوة وشيكولاتة

“فضلت طول القاعده مركزة ف سقف المكان
وكل ما عنيها تيجي ف عيني كنت بصغر سنه
وعلى كده
طول الساعتين اللي قعدناهم
لحد ماخرجنا م المكان
عيل ساحب ف ايده مدرسة المزيكا العاميه ”
― عمر طاهر, قهوة وشيكولاتة

“بامد ايدي اطلعك
بس الغرور بيمنعك
دلوقت صعب انفعك
سبق الفراق روح الفريق”
― عمر طاهر, قهوة وشيكولاتة

“صح و غلط.. حط الإجابه جوه القوس
اخترت صح.. بس الغلط في الإختيار”
― عمر طاهر, قهوة وشيكولاتة

“ورقه بيضا فاضيه
لو قسمتها بقلم إسود
لـ 4 مربعات
عمرها ما ح ترجع فاضيه تاني
و ح تفضل لفتره طويله
ورقة مليانه
بـ 4 مربعات فاضيه”
― عمر طاهر, قهوة وشيكولاتة

“من الجناحات إخترعوا كلمة حرية”
― عمر طاهر, قهوة وشيكولاتة

“قورتك ينفع يـتدق بيها مسمار فى الحيطة
وشفايلفك
من النوع اللى لازم يتباس فى الشارع قدام
الناس.��
جرح فوق حاجبك بيلمس القلب بسرعة
وتوترك أكتر حاجة مصدقها فيكى ..
بتكرهى الوظيفة ..
ومبتعرفيش حماقى
وبتدخنى زى ست عجوزة ..
وشكلك زى اللى سكرانة طول الوقت
بتواجهى العالم بخجل ..
بس بتفتحى باب التاكسى بمنتهى الثقة
وعمر المزيكا ، ماسكتت فى راسك
مزعجة
بتبنى أسطورتك كأنثى فى صمت
وبتنغزينى بابتسامة
كل ماأقرّب ..
أفك شفرة حزنك المألوف
كنت فاكرك مجنونة ..
دلوقتى ماعرفش ليه بقيت متأكد .!ـ”
― عمر طاهر, قهوة وشيكولاتة

“الهوا شايل كلام متأجل
شحنه ساكنه
محتاجه تتفرغ
علشان تبتدي الأرض تدور”
― عمر طاهر, قهوة وشيكولاتة

“وخليّ إيمانك مُعجزة !”
― عمر طاهر, قهوة وشيكولاتة

“صحيح أنا ربان أعالي بحار نظره ضعيف
بس أحلف لك
طول عمري ماشي في البحر بقلبي”
― عمر طاهر, قهوة وشيكولاتة

“صديقتي الهندية

مساء الخير يا صديقتي الهندية
اهلا بيكي ف دولة المتوحد
الخالي من عيوب الانتاج المعروفة
المتميز بعيوب جديدة
اهمها ضعف النظر
اهلا بيكي ورا سور الدولة العالي
اول بيت يمين هتلاقي يافطة عليها اسمي
ربان اعالي البحار
لو لقيتي قدام البحر قواقع
اعرفي ان البحر ف ضيافتي النهاردة
والرملة معناها اني وحيد

طول اليوم عنيا عالباب
ومش عايز ادخل حد
بس المشكلة اني سايبه مفتوح
وباقطع مشاوير جوه الفيلا
وارجع اقف قدامه بالساعات
وفي المسافة ما بين وقفتي والباب
طرقة فخورة بكل اللي عدوا منها وهما خارجين
م��زومين

انا المتوحد
اشهر سفاح في المدينة الفاضلة
واول واحد يرفض يكون معروف لانه عارف كل حاجة
انا بأثار الغرز اللي ف بطني
وبصدري المفتوح
وبكل الطاقة المغناطيسية اللي ف جسمي
بارحب بصديقتي الهندية
ومذهول من توقيت ظهورك في وقت مناسب لاي حاجة
لانتحار جماعي هيبدأ بدردشة أخوية
أو لدردشة أخوية ممكن تاخدنا لانتحار جماعي

ممكن كمان أحوال ألمسك
بقالي كتير مش قادر ألمس حاجة
ومحتاج أقفل الدايرة بحد يسحب مني الكهربا
عشان لما الدنيا تنور يقدر يشوفني صح
فاقدر اشوف نفسي ف عنيه

اهلا بيكي في الfull moon
بفستانك الهندي البسيط
وترددك الجذاب الواضح ف ابتسامتك الجميلة
أرجوكي اتعاملي كأنه بيتك
واوعي تخافي مني
المتوحد لا يؤذي أحد
يؤذي المتوحد نفسه فقط
أنا مش دراكولا
يمكن أكون متاهة وده أخطر
بس الحل سهل
ممكن متدخليش
أنا عمري مفرض متاهتي على حد
وأنا ساب الباب مفتوح
لأن المتاهة ف الآخر بتوصل للباب
اللي بالمناسبة لازم يكون مفتوح
والمتاهة سهلة
وانتي نفسك طويل
هوا البحر اللي فتح صدري
خللاني أنجذب دايما للي نفسهم طويل

أهلا بيكي
ولو دخلتي أستأذنك متقفليش وراكي الباب
وسيبي لي نفسك
صحيح أنا ربان أعالي بحار نظره ضعيف
بس أحلف لك
طول عمري ماشي في البحر بقلبي”
― عمر طاهر, قهوة وشيكولاتة

“تخيّل نفسَك مرّه
ماتخافش.. جرّب مرّه!
الدُنيا ماشيه أسيرة
فى الوقت..
وهيّ حُرّه!”
― عمر طاهر, قهوة وشيكولاتة