ŷ������

حسيت انه كان عايز يوصل حاجة من فكرة المستشفى ومعرفش يعمل كده

بصي مش حفتكر تفاصيل لإنها كانت قراءة قديمة بس هي معجبتنيش اوي الرواية دي..كانت كئيبة حبتين..

انا كنت مضايقه جدا انه كان فيه شخصيه مش فاكره اسمها بتعمل علاقه شاذه مع طالبه عندها سنها ١٢ سنه ولا ١٣ سنه انا فاكره اني لما قريت الجزء ده قرفت جدا من موركامي وكنت عايزه امسك في زماره رقبته واقوله خلاص ضاقت بيك الدنيا عشان تكتبلنا وصف تفصيلي عن علاقه واحده بتلميذتها

بصي يا مروة ..موراكامي بالنسبة لي بديلو جرين لايت زي ما بيقولوه..مش بضايق منه ولا هو ولا غيره بدل بيتكلم في حاجة بتفيد الرواية بشكل او بآخر...بضايق فقط لما المشاهد دي سواء علاقات جنسية او حتي شاذة بتقلل من الرواية ومش بتزود قيمتها كعمل أدبي وده عادة مش بيعمله هاروكي...

رواية كئيبة و موحشة كآبة يابانية بحتة ،دخلتني بمود ما يعلم بيه إلا ربنا

أول رواية أقرأها لموريكامي بس كان اختيار مش موفق

معلش..انا كمان مش بحب الرواية دي اوي..بس عنده حاجات كتير تجنن تنسيكي الغابة النروبجية دي خالص:)
جربي روايته الاخيرة مقتل الكومنداتور..جميلة جداً..

خلاص حقرأها قريبا إنشاءالله، تسلميلي��

كنت حاطة آمال عالية أوي على الرواية دي من كلام الكل عليها و لحد دلوقتي مش عارفة أكملها و مدايقة إنها مش عجباني مش عارفة أعمل إيه حاسة إني لازم أحبها عشان بحب موراكامي😂

انا محدش بيحب موراكامي قدي😂
وكنت حاطة عليها امال كبيرة زيك برضو..بس معجبتنيش..كئيبة الصراحة..
بس الحق يقال بيقولوا انها من اجمد كتب موراكامي..بس الصراحة انا مش مقتنعة..عنده حاجات أحلي بمراحل:)
ممكن متحبيهاش عادي وتفضلي تحبي موراكامي..مفيش مشكلة😅

طيب
ابدأ بايه ليه؟؟
ده انا كنت هبدأ بيها

لأ بلاش تبدأ بيها..وهي علي فكرة في ناس بيقولوا عليها تحفة..
بس أجلها شوية..ممكن تبدأ بمجموعاته القصصية..تاخد فكرة عن دماغه..
لو تحب يوميات طائر الزنبرك ..هي تحفة بس ٣ اجزاء بس الأجزاء حجمها مش كبير

اشكرك
لحقتيني، ماكنتش عايز ماحبهوش..
وانت اهم من يُسأل عن موراكامي..
حببتيني فيه من قبل مابدألوا حاجة

yes i love him:)
وبشجع اي حد يقرأ له..

أسوأ حاجة قريتها لموراكامي بلا منازع 😂💔

يعني في رواياته الطويلة بالنسبة لي تعتبر مش حلوة برضو😅بس تصدق إن معظم الناس بتقول انها من أحلي ما كتب..
أذواق بقي:)

اها مستغرب جدا.
هو موراكامي علق عليها قبل كده إنه مرة واحدة قرر إنه يشوف هيعرف يكتب بعيد عن السيالية و اسلوبه المعروف و خد الموضوع تحدي يعني عشان يشوف هينجح و لا لأ.
فهي رواية نادرة من أعماله.

اه هي فعلاً مختلفة عن معظم أعماله..والصراحة أنا بحب جنانه..الكاتب العاقل مش لايق عليه😅

هو انا قرأت لموراكامي شوية حلوين بس الرواية دي بالاخص حبيتها اوي مش عارف ليه
بصوا خلينا متفقين على أن كآبة الرواية مش معناها أنها وحشة لا بالعكس مادام انتي وصلك قد ايه هي كئيبة يبقى كده موراكامي كتبها حلو وقدر يوصلك معاناة واتنابي
وكمان هي مختلفة عن باقي رواياته لأن هنا مكنش فيها جزء الخيال كبير زي في الروايات التانية بس كانت موجود في أجزاء بسيطة
مش عارف بس انا حاسس أن دا جزء تاني من موراكامي كنا بنستكشفه لاول مرة اكيد مش كل الناس هتحبه لأنها في الاول والاخر كلها أذواق بس انا حبيت اوي كلامه عن أبطاله واحزانهم من غير ما يدخل الخيال في الموضوع اوي
بس دا مش معناه أن انا مش بحب خياله وجنانه دا لا بالعكس أنا حبيته اوي في 1Q84 ومقتل الكومنداتور
بس الغابة النرويجية مختلفة عنهم علشان كدا هي مميزة شوية عنهم

اه هي مختلفة عنهم اكيد يا محمد..بس أنا بحب جنان موراكامي..مقدرتش أحبه اوي هنا..
وهي أذواق طبعاً في الاخر:)
ومعظم الناس عجبتها الرواية زيك بالضبط:)

حضرتك ممكن ترشحى إيه ؟ أنا قريت الغابة النرويجية من فترة كبيرة وسحرتنى قريت كمان كافكا على الشاطئ

مقتل الكومنداتور،يوميات طائر الزنبرك و
1q84
كلهم احلي من بعض الصراحة وقصصه القصيرة كمان مميزة جداً

متشكر جدا

الروايه جامده يا شباب ...
انا صعبان عليا الناس إلي كانت ناويه تقرأها ولغت إنها تبدأ .
الروايه نظامها كئيب ... وممكن نسكيب للمشاهد مش هتأثر ...
بس منظلمش الروايه كدا انا جايه مبهوره منها ولقيت الكومنت ...
الناس أذواق فعلا فا خوضو التجربه هي لو حلوه خير وبركه لو مش حلوه مش هنخسر حاجه ...
مع إحترامي جدا لصاحبة الريفيو ..