ŷ������

علاقتي بالكتاب مرتبكة الحقيقة، أنا بتابع مدونة بلال علاء/ خفة من زمان جداً. كان دايما بيستوقفني قدرته على اللعب بالكلمات عشان يوصف مشاعر معقدة، فتطلع الجملة في الآخر كاكتشاف. فاكرة من الجمل دي جملة 'على الأشياء الجميلة ألا تأتي متأخرة'، ونصه عن الاكتئاب الأخير. قراءة الكتاب كانت مختلفة جداً عن كل ده لسببين:

- في أوقات كتير كنت بحس الأفكار مكررة. عند نصف الكتاب كان عندي احساس: ساي حميمية أو ملحمة وان مور تايم! يمكن ده اختلاف القراءة لكاتب منه عن مدون، وفرق كتب النثر عن المدونات الشخصية.

- اكتشاف مدونة خفة بالنسبالي كان شيء جميل في مرحلته، ووقتها الأفكار دي والمشاعر كانت شبه حاجات كتير بنعدي بيها على مستوى جمعي. في اللحظة الحالية تيمة الندب على اليوتوبيا الضائعة وكربلائيات الهزيمة فقدت الأثر الحميمي اللي كانت بتخلقه بيني كقارءة وبين الكاتب، وبقت شبه تيمة النوستالجيا كده، فاضية.
ده لا يمنع إن في نصوص عذبة وجميلة وذكية جدا، بس يمكن كان عندي توقعات اكتر من كاتب موهوب زي بلال علاء.