ŷ������

طيب أقول إيه ؟؟

سريعا كدة

*Page Turner
تبقى عايز تخلصها أول ما تبدأ تقراها

*مربكة
تحس إنك بتقرا موضوع حقيقي - يعني فكرة استشهاده بكتب وكتاب ومراجع وهمية فكرة غريبة تخليك بتتمنى إن الكلام دة يكون له أساس من الصحة

*تنفع تتعمل فيلم هوليوودي بس هتكون فيه مناظر بشعة كتير للي يقدر عليها (وأنا آخري أقرا الكلام دة) على غرار فيلم اسبرطة اللي عمري ما شفته ولا هقدر أشوفه بس شوفت إعلاناته في السينما فإضطريت أشوف الإعلان لأخره

*الفكرة شبه حاجات كتير بس هي مستوحاه من قصصنا العربية عن الغيلان والعفاريت والجن

*فكرة الصحاب اللي بيورطوا بعض دي أساسا فكرة مرعبة

*كويس إن الجزء التاني مطبوع فعلا وياريت يكون على نفس المستوى وفعلا متشوقة إني اقراه


عندي مشكلتين مع الكتاب

الأولى: إن الكتاب مش بس مليان بأخطاء مطبعية ، الجديد بقى إن فيه صفحات بحالها مكررة وصفحات حبر الطباعة فيها اقوى من الورق فتلاقي كتابات وجه الورقة وظهرها داخلين على بعض

الثانية: غلاف الكتاب اللي خلاني اضطر أسيبه في مكان عالي ولادي مايشوفوهوش فيه عشان مايتخضوش من منظره وأهمل قرائته طول ما هم حواليا ...ولادي دول اعمارهم 4 و5 سنين فحرام يشوفوا منظر الكتاب دة... ودي المشكلتي مع باقي أغلفة كتب نفس هذا الكاتب والكاتب عمرو الجندي اللي ماعرفش يقرب لحسن الجندي مؤلف الرواية دي ولا لأ؟؟ أطلبوا إن يصدر طبعتين من دار النشر طبعتين .... طبعة ممكن عددها قليل بغلاف أليف وطبعة بغلاف يثير الإشمئزاز :) أو مخيف زي ما انتوا عايزين لغالبية البشر اللي مش هيمانعوا يمسكوا كتب كدة ومعندهمش أطفال صغيرين :) ...ودة مجرد إقتراح شخصي وسببه إن فيه كتب مبقدرش أشتريها بسبب غلافها، وحتى الرواية دي جاتلي بالصدفة كدة لما عملتلها أوردر على النت وانا مش متخيلة شكل غلافها