ŷ������

بحتفي بالكتاب ده بشكل خاص ومميز
لأنه أول كتاب أخلصه من بعد الولادة والأمومة
" أيوة يا أهل الجودريدز أنا خلفت وبقيت أم 🥹🥹🥹"
وكنت أظن ذلك مستحيلاً 😂

ومش بس كده
أول كتاب أقراه عشاني أنا
أنا عايزة أقراه وأستمتع بيه
مش عشان أتعلم عن التربية أو يفيدني بالأمومة
وده بسبب ضيق الوقت والأمومة وترتيب الأولويات وحتى ما تنطوي عليه الأمومة من احساس بالذنب لو عملتي حاجة لنفسك صرف !
بس بشكل او بآخر كل المواضيع ف الدنيا بتنفد ع الأمومة والأبوة 😃

كل أم وكل أب وكل ابن وابنة مميزين ومختلفين
كل تفاعل أم مع ولدها
وأب مع وليده مميز
حتى مع نفس الأب والأم كل طفل مختلف

الحقيقة اني حبيت العيلة دي أوي أوي حقيقي ❤️
وتقبلتهم كده زي ما هما
واستغربت صراحتهم واختلافهم

الحكي كان صريح وجميل
وأختم باقتباس جميل أوي
«ادتني كل حاجة، ما خليتش نفسي في حاجة أبدًا، راضيتني وطبطبت عليَّ، أنا باحبك قوي، وعارف إنك بتحبني، ولما أجيلك هتاخدني في حضنك، وتقولي أهلًا أهلًا. يااااه�� الحمد لله�� كده قُنعت».
ده اللي قاله أحمد فؤاد نجم ليلة وفاته
الله يرحمه ويغفرله ويرحمنا جميعا يارب ❤️

20/10/2023 تاريخ مميز ليا ❤️